თელავში ახალგაზრდა კაცი მოკლეს. ამ ეტაპზე არავინ არის დაკავებული. მკვლელობა გუშინ, 8 ნოემბერს მოხდა. ამის შესახებ On.ge-ს შინაგან საქმეთა სამინისტროში განუცხადეს.

უწყებაში ამ ეტაპზე უჭირთ მკვლელობასთან დაკავშირებით დეტალებზე საუბარი. პრესსამსახურის ინფორმაციით, გამოძიება სისხლის სამართლის კოდექსის 108-ე მუხლით მიმდინარეობს. ამ მუხლით, განზრახ მკვლელობა ისჯება თავისუფლების აღკვეთით ვადით შვიდიდან თხუთმეტ წლამდე.