ლიონელ მესი და ლამინ იამალი წლევანდელი მსოფლიო ჩემპიონატის ფინალში, არგენტინისა და ესპანეთის მატჩში, ერთმანეთს პირველად დაუპირისპირდებიან. მესი ახლა 39 წლისაა, იამალი კი — 19-ის. ის ფაქტი, რომ ასეთ მნიშვნელოვან მატჩში მათ ერთმანეთის წინააღმდეგ უწევთ თამაში, მესის დაუღალავ შრომასა და იამალის საოცარ ნიჭს უსვამს ხაზს. თუმცა, მათი გზები პირველად 19 წლის წინ გადაიკვეთა.

ფოტო: Joan Monfort

დღეისათვის უკვე ცნობილი ფეხბურთელები თავდაპირველად ერთმანეთს 2007 წელს შეხვდნენ, როცა 20 წლის მესი ბარსელონაში თამაშობდა, ხოლო ლამინ იამალი მხოლოდ ხუთი თვის იყო. ეს უნიკალური მომენტი ფოტოგრაფ ჟოან მონფორტის ობიექტივმა შემოგვინახა. ფოტოები UNICEF-ისა და ბარსელონას ფონდის ერთობლივი საქველმოქმედო კალენდრისთვის გადაიღეს. ფოტოებზე ვხედავთ, რომ ლიონელ მესი ჩვილს აბანავებს, ეს ბავშვი კი სწორედ ლამინ იამალია.

იამალის მშობლებმა გაზეთ Sport-ისა და Unicef-ის საქველმოქმედო გათამაშებაში გაიმარჯვეს, რომლის პრიზიც ბარსელონას ფეხბურთელთან ბავშვის ფოტოსესიას გულისხმობდა. როცა ოჯახი ფოტოსესიაზე მივიდა, შემთხვევითობის პრინციპით იამალს სწორედ მესისთან მოუწია ფოტოს გადაღება და ისტორიული კადრებიც სწორედ ასე შეიქმნა.

ფოტო: Joan Monfort

კადრებმა საზოგადოების ყურადღება ევრო 2024-ის დროს მიიპყრო, როცა ლამინ იამალის მამამ ფოტო გამოაქვეყნა წარწერით: "ორი ლეგენდის დასაწყისი". მსოფლიო ჩემპიონატის ფინალი 19 ივლისს გაიმართება და ამ ფეხბურთელების გზები კვლავ გადაიკვეთება. ჩვენ კი ისღა დაგვრჩენია, ამ საინტერესო თამაშს დაველოდოთ.