სან-ფრანცისკოს ქალაქ ოკლენდში, მეხანძრეების ჯგუფმა ავტომობილის ხანძრის შემდეგ გასაჭირში მყოფი მტრედი შენიშნა და მის დასახმარებლად დაუყოვნებლივ მობილიზდა.

"მეხანძრეების თქმით, მტრედი მათ თავად მიუახლოვდა და დახმარება სთხოვა. როგორც ჩანს, ფრინველმა ავტომობილის ხანძრის შედეგად კვამლი ჩაისუნთქა," — ნათქვამია ოკლენდის მეხანძრეთა კავშირის (Local 55) მიერ სოციალურ ქსელში გამოქვეყნებულ პოსტში.

ინტერნეტში გავრცელებულ ვიდეოკადრებში ჩანს, ნიღბის დახმარებით როგორ აწვდის მეხანძრე გზაზე მდგარ პატარა ფრინველს ჟანგბადს. ფილტვების გაწმენდის შემდეგ მტრედი გაფრინდა.

იხილეთ ვიდეო:

ეკიპაჟის ქცევამ ინტერნეტმომხმარებლების დიდი მოწონება და შექება დაიმსახურა. ერთ-ერთ კომენტარში ვკითხულობთ: "სიამოვნებით გავაგრძელებ გადასახადების გადახდას, თუკი ჩემი ფული ასეთ საქმეებს მოხმარდება".