უკრაინის უმაღლესმა რადამ მთავრობის ახალი კაბინეტი დაამტკიცა, რომელსაც სათავეში სერგი კორეცკი ჩაუდგა. საგარეო საქმეთა და თავდაცვის მინისტრების ვინაობა ჯერჯერობით უცნობია.

რადაში საგარეო საქმეთა და თავდაცვის მინისტრების კანდიდატურებს არა პრემიერმინისტრი, არამედ პრეზიდენტი წარადგენს. პარლამენტარები ამ პოსტებზე წარდგენილ კანდიდატებს მას შემდეგ განიხილავენ, რაც პრეზიდენტი რადას შესაბამის წარდგინებებს გადაუგზავნის.

უკრაინის პრეზიდენტმა, ვოლოდიმირ ზელენსკიმ, უმაღლეს რადაში პრემიერმინისტრის თანამდებობაზე სწორედ სერგი კორეცკი წარადგინა, რომელიც პარლამენტმა უკვე დაამტკიც

კანდიდატურები პარლამენტს მანამდე თავად კორეცკიმ წარუდგინა:

დენის შმიჰალი — ვიცე-პრემიერი, ენერგეტიკის მინისტრი;
ტეტიანა ბერეჟნა — ვიცე-პრემიერი ჰუმანიტარულ საკითხებში, კულტურის მინისტრი;
ვსევოლოდ ჩენცოვი — ვიცე-პრემიერი ევროპული და ევროატლანტიკური ინტეგრაციის საკითხებში;
ვიტალი ბეჟინი — თემების, ტერიტორიებისა და იძულებით გადაადგილებულ პირთა მინისტრი;
მატვი ბიდნი — ახალგაზრდობისა და სპორტის მინისტრი;
ანდრი ბუტენკო — განათლებისა და მეცნიერების მინისტრი;
ივან ვიჰივსკი — შინაგან საქმეთა მინისტრი;
ტარას ვისოცკი — აგრარული პოლიტიკისა და სურსათის მინისტრი;
მიკოლა კალაშნიკი — აღდგენის, ინფრასტრუქტურისა და ტრანსპორტის მინისტრი;
ვიტალი კიმი — ვეტერანების საქმეთა მინისტრი;
ოლექსანდრ კრავჩენკო — ეკონომიკისა და გარემოს დაცვის მინისტრი;
ვიქტორ ლიაშკო — ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი;
სერჰი მარჩენკო — ფინანსთა მინისტრი;
დენის მასლოვი — იუსტიციის მინისტრი;
დენის ულიუტინი — სოციალური პოლიტიკის, ოჯახისა და ერთიანობის მინისტრი;
ოქსანა ფერჩუკი — ციფრული ტრანსფორმაციის მინისტრი.

შეგახსენებთ, მიხაილო ფედოროვმა უკრაინის თავდაცვის მინისტრის თანამდებობის დატოვება 15 ივლისს დაადასტურა. ამას წინ უძღოდა პოსტიდან ქვეყნის პრემიერმინისტრის, იულია სვირიდენკოს გათავისუფლება. სამთავრობო ცვლილებები უკრაინაში პრეზიდენტ ვოლოდიმი ზელენსკის ინიციატივით ხორციელდება.

გადაწყვეტილება თავად ფედოროვმაც დაადასტურა სოციალურ ქსელში და აღნიშნა, რომ მისთვის "დიდი პატივი იყო უკრაინელი ხალხისთვის თავდაცვის მინისტრად მსახურება".

ვოლოდიმირ ზელენსკის გადაწყვეტილებას, უკრაინაში პროტესტი მოჰყვა. როგორც უკრაინული მედია წერს, კიევში, პრეზიდენტის ოფისთან, ისევე როგორც ქვეყნის სხვადასხვა ქალაქში, მიხაილო ფედოროვის მხარდამჭერი აქციები იმართება.

აქციის მონაწილეებს ხელში პლაკატები უჭირავთ სლოგანებით: "ფედოროვი — თავდაცვის მინისტრი", "არ შეეხოთ იმას, რაც მუშაობს", "ხელები შორს ფედოროვისგან", "დააბრუნეთ ფედოროვი" და "ძალაუფლება კვლავ ხალხს ეკუთვნის". მოქალაქეები ასევე სკანდირებენ: "სირცხვილია", "ფედოროვი თავდაცვის მინისტრია".