სამართალდამცავი ორგანოების კოორდინაციის საკითხებში სახელმწიფო მინისტრის, მამუკა მდინარაძის შეფასებით, "ნაცმოძრაობა არის დანაშაულებრივი, აგენტურული ორგანიზაციები, რომლებიც უნდა აიკრძალოს".

"ნაცმოძრაობა არის თუ არა დანაშაულებრივი ორგანიზაცია და არა პარტია? თუ კი, მაშინ დანაშაულებრივი ორგანიზაცია არ შეიძლება იყოს პრეტენდენტი ქვეყნის მართვის. არც მისი დანაყოფები არ შეიძლება იყოს. შესაბამისად ამისა, პარტიის აკრძალვა არის ამ ლოგიკის გაგრძელება და სანამ საქართველოში დამოუკიდებლად მოქმედი ადამიანები, პოლიტიკური ორგანიზაციები არ აიღებენ ხელში ოპოზიციონერობას და დღეს ეს მითვისებული აქვს რამდენიმე პატარა პარტიას. ...ეს ნაცმოძრაობა და მისი კლასტერი არ არის ოპოზიცია. არ არის პარტია არც ერთი. ეს არის დანაშაულებრივი, აგენტურული ორგანიზაციები, რომლებიც უნდა აიკრძალოს, ამის საწინააღმდეგო, ნორმალურად მოფიქრალ ადამიანს არაფერი უნდა ჰქონდეს. ეს ერთი. და მეორე, კიდევ ერთხელ გავიმეორებ: სანამ ჯანსაღი ოპოზიციური ძალა არ შეიქმნება მანამ ჩვენ ქვეყანაში გვექნება სერიოზული პრობლემა ჯერ ოპოზიციის და მერე ხელისუფლების ჩამნაცვლებელი რეალური ქართული ძალის. უცხო ქვეყნის ძალებმა, აგენტურამ ხელისუფლება არასდროს უნდა ჩაანაცვლოს. ეს არის მოცემულობა, რაც არის ლოგიკური ჯაჭვის ბოლო, რომელ ლოგიკურ ჯაჭვშიც პირველი ის არის, რომ ნაცმოძრაობა დანაშაულებრივი ორგანიზაციაა", — განაცხადა მდინარაძემ ბრიფინგზე.