გუშინ, 12 ივლისს, ძლიერმა სტიქიამ თელავი დააზარალა. ადგილობრივი მედიის ცნობით, ადიდდა თელავის ხევი, რის შედეგადაც კავკასიონისა და ალაზნის გამზირების ნაწილი განადგურებულია.

როგორც "მთავარი ამბები კახეთიდან" იუწყება, უხვმა ნალექმა ხევის კალაპოტი გაარღვია, რის გამოც წყალი ქუჩებში გადავიდა. დატბორილია საცხოვრებელი კორპუსების პირველი სართულები, კომერციული ფართები, აფთიაქები და მაღაზიები, დაზიანებულია ავტომობილებიც.

სტიქიის შედეგად განადგურდა ინფრასტრუქტურა. დაწყვეტილია ელექტროგადამცემი ხაზები, რის გამოც მოსახლეობის ნაწილს ელექტროენერგიის მიწოდება შეუწყდა. ადგილზე მობილიზებული არიან პოლიციის, საგანგებო სიტუაციების მართვის სამსახურისა და ადგილობრივი ხელისუფლების წარმომადგენლები, — წერს გამოცემა.

ფოტო: Misho Barkhudanashvili

ფოტო: Misho Barkhudanashvili