მსოფლიოს უმდიდრესი ადამიანი ილონ მასკი საფრანგეთის ულტრამემარჯვენე ლიდერს, მარინ ლე პენს საფრანგეთის საპრეზიდენტო არჩევნებში მხარდაჭერას უცხადებს. მისი თქმით, "ის საფრანგეთის უკანასკნელი იმედია".

ამის შესახებ მასკმა სოციალურ მედიაპლატფორმაზე ოთხშაბათს დაწერა და მარინ ლე პენის სასარგებლო გამოკითხვის მონაცემების შესახებ გააზიარა პოსტი.

ლე პენმა საპრეზიდენტო არჩევნებისთვის მზადება ოფიციალურად მას შემდეგ დაიწყო, რაც სააპელაციო სასამართლომ მას ამის უფლება მისცა, მიუხედავად იმისა, რომ ევროპარლამენტიდან თანხების მითვისებაში დამნაშავედაა ცნობილი. ამ ბრალდებას ლე პენი კვლავ აპროტესტებს და ასაჩივრებს.

მასკი ღიად უცხადებს მხარდაჭერას მემარჯვენე და ულტრამემარჯვენე ჯგუფებსა და კანდიდატებს. თუმცა, 2022 წელს პრეზიდენტ ემანუელ მაკრონთან შეხვედრის შემდეგ, მან განაცხადა, რომ მისთვის "პატივი იყო" საფრანგეთის ლიდერთან საუბარი და მან მხარი დაუჭირა მაკრონის 2023 წლის არაპოპულარულ გადაწყვეტილებას საფრანგეთში მინიმალური საპენსიო ასაკის გაზრდის შესახებ, რომლის გაუქმებასაც ლე პენი გვპირდება.

მასკის ურთიერთობას საფრანგეთთან იურიდიული საფუძველიც აქვს. საფრანგეთის პოლიციამ სისხლის სამართლის გამოძიება დაიწყო X-ის Grok AI ჩატბოტის წინააღმდეგ, სექსუალური ხასიათის "დიფ ფეიქების" და ანტისემიტური შინაარსის ტექსტების გავრცელების გამო. X-ის ოფისები პარიზში თებერვალში დაარბიეს, მასკი აპრილში ფრანგმა პროკურორებმა დაკითხვაზე დაიბარეს, თუმცა ის სასამართლოში არ გამოცხადდა.