7 სასარგებლო რჩევა, თუ განათლების მიღება საზღვარგარეთ გსურს
პროფესიული ცოდნის გაღრმავება, უცხო ენის დონის გაუმჯობესება, დამოუკიდებლობა, თვალსაწიერის გაფართოება და განსხვავებული გამოცდილებისა და შეხედულებების მქონე ადამიანებთან შეხვედრა პიროვნული და კარიერული განვითარებისთვის ძალიან მნიშვნელოვანია. სწორედ ეს გვიღვივებს სურვილს, ქვეყნის საზღვრებს გავცდეთ და სასწავლებლად ჩვენს საოცნებო უნივერსიტეტებს მივაშუროთ.
მიუხედავად იმისა, რომ საზღვარგარეთ სწავლა მარტივი შეიძლება სულაც არ იყოს, უამრავ ადამიანს ეს ხშირად აუხდენელ ოცნებად მიაჩნია. ამის მიზეზი კი, ძირითადად, მოხალისეობრივი და სასწავლო გაცვლითი პროგრამების შესახებ ინფორმაციის ნაკლებობაა. სწორედ ამიტომ On.ge-მ გადაწყვიტა, აღნიშნული თემის შესახებ ყველა საინტერესო და მნიშვნელოვანი კითხვა ნატალია ჭამიაშვილისთვის დაესვა, რომელიც პლატფორმა W4W (განათლება და კარიერული განვითარება) და ყველაზე დიდი ახალგაზრდული ორგანიზაცია მოხალისეთა ჰაბის დამფუძნებელია. ნატალია ამჟამად Erasmus Mundus-ის პროგრამით მაგისტრატურის საფეხურზე სწავლობს და საკუთარ გამოცდილებასთან ერთად On.ge-ის Instagram Live-ის ფარგლებში რჩევები იმ ადამიანებისთვისაც გაეზიარებინა, რომელთაც საზღვარგარეთ სწავლა სურთ.
გთავაზობთ 7 რჩევას, რომელიც აუცილებლად დაგეხმარება, თუ საზღვარგარეთ სწავლა გსურს:
1. მოიძიე დეტალური ინფორმაცია სასურველი პროგრამების შესახებ
თუ საზღვარგარეთ სწავლა გინდა, პირველი ნაბიჯი სასურველი პროგრამების შესახებ ინფორმაციის მოძიებაა. უამრავი ადამიანი შესაძლებლობებს ხელიდან მხოლოდ იმის გამო უშვებს, რომ საჭირო ინფორმაცია არ აქვს. სასწავლო პროგრამების შესახებ ინფორმაციის მოსაძიებლად შეგიძლია ფეისბუქ ჯგუფები W4W (განათლება და კარიერული განვითარება) და მოხალისეთა ჰაბი (განათლება და კარიერული განვითარება) გამოიყენო.
თუ უნივერსიტეტიდან გინდა გაცვლითი პროგრამით საზღვარგარეთ წასვლა, კარგი იქნება, თუ კონკრეტული უნივერსიტეტის საგარეო დეპარტამენტის ფეისბუქ გვერდებს გამოიწერ. თუ დამოუკიდებლად გსურს სასწავლო ან მოხალისეობრივ პროგრამებში ჩართვა, სხვადასხვა გამგზავნი ორგანიზაციებისა და საელჩოს გვერდები უნდა გამოიწერო, რომლებიც გაცვლითი პროგრამების შესახებ ინფორმაციას ხშირად აქვეყნებენ. მსგავს და სხვა საინტერესო ინფრომაციას თავად ნატალიას ტიკტოკზეც აღმოაჩენ.
2. გაითვალისწინე უნივერსიტეტისა თუ ორგანიზაციის პრიორიტეტები და მოთხოვნები
თითოეული უნივერსიტეტისა და ორგანიზაციის პროგრამას განსხვავებული პრიორიტეტები და მოთხოვნები აქვს. ეს შესაძლოა, პიროვნულ თვისებებსა და უნარებს ან გამოცდილებას უკავშირდებოდეს, უნივერსიტეტის შემთხვევაში განსაკუთრებით — აკადემიურ მოსწრებას, კონფერენციებში მონაწილეობას, სხვადასხვა აქტივობებს და ა.შ. პრიორიტეტებისა და მოთხოვნების პოვნა მომზადებაში დაგეხმარება, რაც, საბოლოოდ, შესაძლებლობას მოგცემს, შესაბამისი უნივერსიტეტისა თუ ორგანიზაციის სასურველი კანდიდატი გახდე.
3. რეზიუმე კონკრეტული პროგრამის მოთხოვნების მიხედვით შეადგინე
შერჩევის პროცესში ერთ-ერთი მნიშვნელოვანი საფეხური ეფექტური რეზიუმეს მომზადებაა. არასწორია მიდგომა, რომლის მიხედვითაც, ადამიანები ერთსა და იმავე რეზიუმებს განსხვავებულ პოზიციებსა და პროგრამებზე აგზავნიან. რეზიუმე ყოველი კონკრეტული შემთხვევისთვის უნდა შეადგინო და ის უნარ-ჩვევები, თვისებები და გამოცდილება ასახო, რომელსაც კონკრეტული პროგრამა კანდიდატისგან ითხოვს.
ნატალიას თქმით, სასურველია, რეზიუმე 2 გვერდს არ აღემატებოდეს და სადა იყოს, თუ, რა თქმა უნდა, ჩვენი პროფესია ისეთ კრეატიულ სფეროს არ უკავშირდება, რომლის გათვალისწინებაც რეზიუმეში აუცილებელი იქნება. მაგალითად, გრაფიკული დიზაინერის რეზიუმეში მისი პროფესიული უნარები შესაბამისად უნდა ჩანდეს.
ნატალიამ აღნიშნა, რომ მნიშვნელოვანია, რეზიუმეს თან ერთვოდეს თარიღები (მაგალითად, სწავლის დაწყებისა და დასრულების) და საკონტაქტო ინფორმაცია. გამოცდილება კი ქრონოლოგიურად, ყველაზე ახლიდან — ძველისკენ უნდა იყოს მითითებული. გასათვალისწინებელია ისიც, რომ რეზიუმეში კონკრეტულ პროფესიასთან და პროგრამასთან შეუსაბამო გამოცდილებისა და განათლების შესახებ მითითება რეკომენდირებული არაა.
4. სამოტივაციო წერილი ზედმეტი არასდროსაა!
საზღვარგარეთ სწავლის მსურველებისთვის სამოტივაციო წერილის დაწერა ხშირად ერთ-ერთი მთავარი მოთხოვნაა, თუმცა ასეთის არ არსებობის შემთხვევაშიც კი, ნატალია გვირჩევს, წერილი აუცილებლად გავაგზავნოთ.
სამოტივაციო წერილიც ისევე, როგორც რეზიუმე, კონკრეტული პროგრამის მოთხოვნებს უნდა პასუხობდეს და ისეთი უნარ-ჩვევები, მიზნები და გამოცდილება უნდა იყოს წარმოჩენილი, რომელიც უნივერსიტეტსა თუ ორგანიზაციას აინტერესებს. მნიშვნელოვანია, მიუთითო, კონკრეტულად როგორ შეესაბამები აღნიშნულ მოთხოვნებს, რას შესძენ გუნდს ან უნივერსიტეტს იმ შემთხვევაში, თუ კანდიდატებს შორის სწორედ შენ შეგარჩევენ.
ნატალია გვირჩევს, ვეცადოთ, რომ სამოტივაციო წერილს ერთ გვერდზე მეტი არ დავუთმოთ და გავითვალისწინოთ კონკრეტული პროფესიისა და სფეროს მოთხოვნებიც. მისი თქმით, სამოტივაციო წერილში ისიც აუცილებლად უნდა მივუთითოთ, თუ საიდან შევიტყვეთ კონკრეტული პროგრამის შესახებ ინფორმაცია.
გარდა ამისა, ნებისმიერი ჩვენგანის ცხოვრებაში არსებობს დროის მონაკვეთი, რომლის განმავლობაშიც სხვადასხვა პრობლემებისა თუ მიზეზების გამო ჩვენთვის სწავლა და მუშაობა პრიორიტეტი არ იყო. ეს შეიძლება იყოს ფიზიკურ თუ მენტალურ ჯანმრთელობასთან დაკავშირებული პრობლემები, ოჯახური მდგომარეობა და სხვ. სამოტივაციო წერილი შესანიშნავი შესაძლებლობაა იმისთვის, რომ მსგავსი პერიოდებისა და მიზეზების შესახებ ორგანიზაციასა თუ უნივერსიტეტს აცნობო.
5. არ დაგავიწყდეს აკადემიური მოსწრების მნიშვნელობა
მართალია, მოხალისეობრივ გაცვლით პროგრამებში აკადემიურ მოსწრებასა და GPA-ს უმეტესად დიდი ყურადღება არ ექცევა და სხვა კრიტერიუმებია პრიორიტეტული, სასწავლო გაცვლითი პროგრამების შემთხვევაში აკადემიური მოსწრება ერთ-ერთი მთავარი კომპონენტია. უნივერსიტეტმა სწავლისადმი შენი ინტერესი თვალნათლივ უნდა დაინახოს.
რა თქმა უნდა, მუდმივად კარგი ქულების მიღება მარტივი სულაც არაა და ხშირად სტრესთან ასოცირდება. ჩვენს ცხოვრებაში არსებობს ისეთი პერიოდებიც, როდესაც აკადემიური მოსწრება სულაც არაა პრიორიტეტული და ეს სრულიად ბუნებრივია. სწორედ ამიტომ, თუ GPA იმდენად მაღალი არ გაქვს, როგორიც გინდოდა, ეს დამაბრკოლებელ გარემოებად არ უნდა ჩათვალო. შეგიძლია, მიზეზები უნივერსიტეტს სამოტივაციო წერილში განუმარტო. შეგიძლია, შენი მონდომება და მიზნები იმგვარად წარმოაჩინო, რომ უნივერსიტეტისთვის აკადემიური მოსწრება და ნიშნების ფურცელი პრიორიტეტული სულაც აღარ იყოს.
6. შეძლებისდაგვარად მოემზადე უცხო გარემოში ცხოვრებისთვის
საზღვარგარეთ წასვლასთან ერთად ახალ გარემოში ცხოვრების თანმდევი პრობლემებიც იჩენს თავს და სულაც არაა გასაკვირი, რომ ეს ცოტათი მაინც გაშინებდეს. ამ შიშის დასაძლევად ნატალია პრობლემებისა და მათი მოგვარების სტრატეგიების წინასწარ ჩამოწერასა და ყოველდღიურ ცხოვრებაში მათ დანერგვას გვირჩევს. მისი თქმით, განსაკუთრებით საყურადღებო ბიუჯეტის სწორად განაწილებაა, რომელიც მხედველობიდან არ უნდა გამოგრჩეს.
7. გამოიყენე ნებისმიერი შესაძლებლობა და არ დანებდე!
შესაძლოა, ახლა კონკრეტულ მოთხოვნებს არ შეესაბამები ან უბრალოდ არ გაგიმართლა. ეს დანებების საფუძველი ნამდვილად არაა! გააანალიზე, რა გიშლის ხელს მიზნის მიღწევაში, ეცადე აღნიშნული პრობლემები აღმოფხვრა და, პარალელურად, ნებისმიერი შესაძლებლობა გამოიყენო. მთავარია, არ დანებდე და ოცნებას აუცილებლად აიხდენ!
ნატალიასა და On.ge-ის ინსტაგრამის Live და სხვა რჩევები სრულად შეგიძლია ამ ვიდეოში ნახო:
-
გადახედვაროგორი იყო უძველესი ადამიანების ევოლუცია — კვლევა როგორი იყო უძველესი ადამიანების ევოლუცია — კვლევა
-
გადახედვაჩახუტება ტკივილს, შფოთვასა და დეპრესიას მართლაც ამსუბუქებს — კვლევა ჩახუტება ტკივილს, შფოთვასა და დეპრესიას მართლაც ამსუბუქებს — კვლევა
-
გადახედვაარა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში არა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში
-
გადახედვანახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა ნახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა
-
გადახედვა4 აპლიკაცია, რომლებითაც ხალხმრავლობაში ინტერნეტის გარეშე კონტაქტს შევძლებთ 4 აპლიკაცია, რომლებითაც ხალხმრავლობაში ინტერნეტის გარეშე კონტაქტს შევძლებთ
-
გადახედვაჩვენი გალაქტიკის მასშტაბით ყველაზე მასიური ვარსკვლავური შავი ხვრელი აღმოაჩინეს ჩვენი გალაქტიკის მასშტაბით ყველაზე მასიური ვარსკვლავური შავი ხვრელი აღმოაჩინეს
-
გადახედვაროგორი იყო გიგანტური კენგურუ, რომელიც 40 000 წლის წინ ცხოვრობდა როგორი იყო გიგანტური კენგურუ, რომელიც 40 000 წლის წინ ცხოვრობდა
-
გადახედვაანტარქტიდა უდაბნოა — აი, რატომ ანტარქტიდა უდაბნოა — აი, რატომ
-
-
გადახედვაშორეული მკვდარი ვარსკვლავი მოულოდნელად გააქტიურდა შორეული მკვდარი ვარსკვლავი მოულოდნელად გააქტიურდა
-
გადახედვაისრაელმა ირანული რაკეტა დედამიწის ზედაპირიდან 100 კილომეტრის სიმაღლეზე გაანადგურა — როგორ ისრაელმა ირანული რაკეტა დედამიწის ზედაპირიდან 100 კილომეტრის სიმაღლეზე გაანადგურა — როგორ
-
გადახედვაშესაძლოა, ელექტროსიგარეტის მოხმარება გულის უკმარისობის რისკს ზრდიდეს შესაძლოა, ელექტროსიგარეტის მოხმარება გულის უკმარისობის რისკს ზრდიდეს
-
გადახედვამეცნიერებმა ინსულტის შემთხვევები კლიმატის ცვლილებასთან დააკავშირეს მეცნიერებმა ინსულტის შემთხვევები კლიმატის ცვლილებასთან დააკავშირეს
-
გადახედვარა როლი ჰქონდა ირმის ნახტომს ძველ ეგვიპტურ მითოლოგიაში რა როლი ჰქონდა ირმის ნახტომს ძველ ეგვიპტურ მითოლოგიაში
-
გადახედვაუკვე ცნობილია, რამ გამოიწვია ყველა დროის უდიდესი კოსმოსური აფეთქება უკვე ცნობილია, რამ გამოიწვია ყველა დროის უდიდესი კოსმოსური აფეთქება
-
გადახედვააღდგომის კუნძულის მიმდებარედ, წყალქვეშ, ახალი სახეობები აღმოაჩინეს აღდგომის კუნძულის მიმდებარედ, წყალქვეშ, ახალი სახეობები აღმოაჩინეს
-
გადახედვაMessenger ფოტოების ხარისხს ნაკლებად გააფუჭებს — Facebook-ის ეს და სხვა სიახლეები Messenger ფოტოების ხარისხს ნაკლებად გააფუჭებს — Facebook-ის ეს და სხვა სიახლეები
-
გადახედვაშენიშნეს მთის გაზელი, რომელსაც ექვსი კიდური აქვს შენიშნეს მთის გაზელი, რომელსაც ექვსი კიდური აქვს
-
გადახედვანახეთ: როგორი ანატომია აქვთ სიამის ტყუპ დებს, რომელთაგანაც ერთი დაქორწინდა ნახეთ: როგორი ანატომია აქვთ სიამის ტყუპ დებს, რომელთაგანაც ერთი დაქორწინდა
-
გადახედვაშექმნეს ანტიბიოტიკების ახალი კლასი, რომელმაც რეზისტენტული ბაქტერიები სრულად გაანადგურა შექმნეს ანტიბიოტიკების ახალი კლასი, რომელმაც რეზისტენტული ბაქტერიები სრულად გაანადგურა
-
გადახედვარა დრო დაგვჭირდება ადამიანობიდან კიბორგობამდე — ინტერვიუ ტრანსჰუმანისტ ზოლტან ისტვანთან რა დრო დაგვჭირდება ადამიანობიდან კიბორგობამდე — ინტერვიუ ტრანსჰუმანისტ ზოლტან ისტვანთან
კომენტარები