12 წლის განმავლობაში სკოლაში უამრავ ტესტს, საკონტროლოსა და გამოცდას ვწერთ. ეროვნული გამოცდების ჩაბარებისას ყველას გვგონია, რომ ტანჯვა სრულდება, საოცნებო ცხოვრებაში შევაბიჯებთ და ამიერიდან მხოლოდ გართობაზე ფიქრი მოგვიწევს, თუმცა ხელთ გადათენებული ღამეები და ახალი გამოცდების მთელი კასკადი გვრჩება: ქვიზები, შუალედურები, ფინალურები, ფინალურების გადაბარებები და "ის ერთი ქულა" სულ მცირე, ოთხი წლის განმავლობაში "გვებედება". გამოცდებს ვერც სამსახურის დაწყებისას თუ ახალ პოზიციაზე გადასვლისას ვირიდებთ თავიდან. ერთი სიტყვით, ვიბადებით, გამოცდებს ვაბარებთ და ვკვდებით. მათთან გასამკლავებლად კი უამრავ ღამეს ვათენებთ და ათასგვარ ხერხს ვიყენებთ.

არ აქვს მნიშვნელობა, სკოლაში გაქვს გამოცდა, ეროვნულებისთვის ემზადები თუ ფინალურამდე სულ რამდენიმე დღე დარჩა, ეს 25 ხრიკი გამოცდის ჩაბარებაში აუცილებლად დაგეხმარება.

1. იმეცადინე ყოველდღე ცოტ-ცოტა ხანი, განსაკუთრებით თუ საქმე უცხო ენებს ეხება

ფოტო: Giphy

ვიცით, ამ "ხრიკს" აქ არ ელოდი, მაგრამ დღეში 20 წუთის გამონახვა არც ისე რთული საქმეა. შედეგს გამოცდაზე იგრძნობ.

2. გააკეთე მოკლე ჩანაწერები ფურცელზე ან აპლიკაციაში Quizlet და გამოცდამდე თვალი გადაავლე

ფოტო: Giphy

3. განსაზღვრე და გაანაწილე დავალების შესრულების დრო. ასე გამოცდის წინა ღამის გათენებას გადაურჩები

ფოტო: pinterest

4. მეცადინეობის დაწყებამდე შეამოწმე შენი ცოდნა ტესტებით და გაიგე, რას უნდა დაუთმო მეტი დრო

ფოტო: Giphy

5. გამოიყენე აპლიკაციები, რომლებიც ყურადღების გაფანტვის საშუალებას არ მოგცემს

ფოტო: UX Collective

ერთ-ერთი ასეთი აპლიკაციაა Forest, რომლის დახმარებით ვირტუალურ ხეს ზრდი. ხე თავისით, მეცადინეობის ან საქმის კეთების პარალელურად "იზრდება", თუმცა ის მაშინვე კვდება, როგორც კი შავ სიაში არსებული აპლიკაციებიდან რომელიმეს გახსნი. რაც მთავარია, აპლიკაციის გამოყენებით ნამდვილი ხეების დარგვაშიც იღებ მონაწილეობას. აპლიკაციაში დახარჯულ ვირტუალურ მონეტებს Forest-ის გუნდი პარტნიორებს ურიცხავს. ისინი კი ხეებს რგავენ.

6. გამოიყენე პომოდოროს ტექნიკა პროდუქტიულობისთვის

ფოტო: Giphy

პომოდოროს ტექნიკა დროის მართვის მეთოდია, რომელიც წამზომის დახმარებით შესასრულებელი საქმის დროის ინტერვალებით დაყოფას მოიაზრებს. როგორც წესი, ის 25-წუთიან ინტერვალებს მოიცავს. ყოველი 25 წუთის შემდეგ კი 3-5 წუთით ისვენებ. თითოეულ ინტერვალს პომოდოროს უწოდებენ (პომიდვრის იტალიური შესატყვისი), რადგან ამ ტექნიკის გამომგონებელი პომიდვრის ფორმის წამზომს იყენებდა. ოთხი პომოდოროს "დაგროვების" შემდეგ კი შეგიძლია უფრო ხანგრძლივი, 15-30-წუთიანი დასვენებით გაანებივრო საკუთარი თავი.

7. გადაწერე კონსპექტები ერთხელ ან რამდენჯერმე

ფოტო: Giphy

როგორც ამბობენ, რაც უფრო ხშირად დაწერ რაიმეს, მით უფრო მარტივად დაიმახსოვრებო, ასე რომ, თუ დრო გაქვს, შეგიძლია ეს მეთოდიც მოსინჯო.

8. და გადაიკითხე ეს კონსპექტები ძილის წინ

ფოტო: Giphy

9. მოუყევი და ასწავლე მასალა ნებისმიერ ვინმეს, ვინც მოგისმენს

ფოტო: tenor

თუნდაც სათამაშოებს, ან კედელს.

10. და გადმოეცი ეს ინფორმაცია მისთვის გასაგებ ენაზე

ფოტო: Giphy

თუ რაიმე მოვლენის ან ისტორიული ფაქტის დამახოვრებას ცდილობ, მოუყვევი ის სახალისო, ნაკლებად მოსაწყენი ენით ოჯახის წევრს, კატას ან პატარა ბავშვს.

11. გამოიყენე თეთრი ხმაური შემაწუხებელი ხმების დასახშობად

ფოტო: Giphy

თეთრი ხმაური სხვადასხვა სიხშირის ხმის შერევით მიიღება და სხვა ხმაურს ნიღბავს. სხვადასხვა კვლევა ადასტურებს, რომ თეთრი ხმაური (კონკრეტულად შიშინის ხმა) კონცენტრაციასა და ინფორმაციის ადვილად დამახსოვრებაში, ისევე, როგორც უკეთ დაძინებაში გვეხმარება.

12. ან მოუსმინე კლასიკურ მუსიკას, რომელიც ყურადღებასაც არ გაგიფანტავს და მოტივაციასაც აგიმაღლებს

ფოტო: Giphy

13. წაახალისე საკუთარი თავი ტკბილეულით ან სხვა სახის ჯილდოთი

ფოტო: Giphy

თითო საკითხის სწავლის შემდეგ შეგიძლია საკუთარ თავს ერთი ჟელიბონი უსახსოვრო.

14. ან თავად სწავლის პროცესი გაახალისე

ფოტო: Giphy

ვიცით, სწავლის პროცესი და სიხალისე შეუთავსებლად ჟღერს, მაგრამ საკუთარი თავის ისტორიულ ფიგურად წარმოდგენა ან ტექსტების ხმამაღლა, დრამატულად კითხვა შეიძლება მრავალთაგან ის გზები იყოს, რომლითაც სასწავლ მასალას ადვილად დაიმახსოვრებ.

15. იმღერე ტექსტი, რომელსაც ვერ იმახსოვრებ

ფოტო: Giphy

ისეთი ფრაზა, როგორიცაა "2-ჰიდროქსიპროპანი-1,2,3-ტრიარბოქსიქსიდის მჟავა" ან უბრალოდ, ნებისმიერი საზეპირო ჰაგიოგრაფიული ნაწარმოებიდან შეგიძლია სიმღერად აქციო — მოუფიქრო მელოდია და იღიღინო იმდენხანს, სანამ ტექსტი უცნაურად აღარ მოგეჩვენება.

16. ან უბრალოდ ხმამაღლა გაიმეორე რამდენჯერმე

ფოტო: Giphy

17. ყველაზე მნიშვნელოვანი ინფორმაცია ერთ გვერდში მოაქციე და რამდენჯერმე გადაწერე

ფოტო: Giphy

18. ან დაანაწევრე ინფორმაცია ისე, რომ ადვილად დასამახსოვრებელი იყოს

ფოტო: Giphy

გრძელი ტექსტების აბზაცებად დაყოფა და მათი გადაწერა ან რამდენჯერმე წაკითხვა ერთ-ერთი ხრიკია, რომელიც ნამდვილად მუშაობს.

19. სცადე სიტყვების ან ცნებების დამახსოვრების სხვადასხვა ხერხი

ფოტო: Giph

მაგალითად, გამოიყენე მნემონიკური მეთოდები, რომლითაც ახალ ინფორმაციას უკვე ნაცნობ მასალასთან ასოციაციურად დააკავშირებ. ეს შეიძლება იყოს სიტყვის ან მოვლენის რაიმე ადგილის მიხედვით დამახსოვრება, ციფრების სიტყვებთან გარითმვა და სხვა.

20. შექმენი "მეხსიერების სასახლე"

ფოტო: Giphy

"მეხსიერების სასახლე" ემყარება მოსაზრებას, რომლის მიხედვით მახსოვრობა უკეთ ინახავს მოგონებებს სივრცეებისა და ლოკაციების შესახებ, ვიდრე კონკრეტული სიტყვებსია და საგნების შესახებ. ერთ-ერთი დაკვირვების თანახმად, ადამიანები მარტივად იხსენებენ, სად ინახავენ სხვადასხვა საგანს — საშობაო დეკორაციებს თუ საკანცელარიო ნივთებს. ეს კი რთულად დასამახსოვრებელ სავარჯიშოებში შეგვიძლია გადმოვიტანოთ.

მაგალითად, საყიდელი პროდუქტების სია უფრო ადვილად დაგამახსოვრდებათ, თუ წარმოიდგენთ, სად მიუჩენდით ამ პროდუქტებს თქვენს სახლში ადგილს. ეს პრინციპი შეიძლება სასწავლო მასალასაც მოარგოთ, მაგალითად, მისი დახმარებით შეიძლება უცხო ენის მეცადინეობისას სიტყვები დაიმახსოვროთ.

21. მეტი ორგანიზებულობისთვის ჩამოწერე გასაკეთებელი საქმეების სია და დღის გეგმა

ფოტო: Giphy

22. ან კონსპექტებს გაუკეთე სარჩევი, რომ ადვილად მიაგნო სასურველ მასალას

ფოტო: Giphy

23. ჩაიწერე ლექციები ვიდეოზე ან ხმის ჩამწერით

ფოტო: Giph

ოღონდ ჩაწერაზე თანხმობა აიღე ლექტორისგან და შემდეგ გამოცდისთვის მეცადინეობისას მოუსმინე. ოღონდ, მართლა მოუსმინე!

24. გაცვალე ინფორმაცია თანაკურსელებთან

ფოტო: Gip

გამოცდის წინა დღეს თანაკურსელებთან შეხვედრა და მასალის ერთად გადამეორება კარგი გზაა ყველაფრის გასახსენებლად (ოღონდ ალკოჰოლს ნუ მიეტანებით).

25. იმეცადინე ისეთ დროს, როცა არავინაა შენთან ახლოს ან ონლაინ

ფოტო: Giphy

ყურადღება მოიკრიბე და არ ჩაგეძინოს!

და რაც მთავარია, ჩვენ შენი გვჯერა!

ფოტო: Giphy

მართვისა და კომუნიკაციების სასწავლო უნივერსიტეტი ალტერბრიჯი აბიტურიენტებსა და მაგისტრანტებს სთავაზობს საბაკალავრო და სამაგისტრო პროგრამებს კომუნიკაციების მართვის მიმართულებით. ადგილობრივი და საერთაშორისო პროფესიონალი სპიკერები და პროფესორები; სტუდენტზე მორგებული სწავლების განსხვავებული მეთოდი; ეკოლოგიურად სუფთა გარემოში ორიგინალური დიზაინის მქონე შენობა და, რაც მთავარია, დასაქმების რეალური შანსი ქვეყნის წამყვან კომპანიებში — ამ და სხვა შესაძლებლობებს ალტერბრიჯი გთავაზობთ.