ოცნების ხელისუფლების ყოფილი შს მინისტრი, ვახტანგ გომელაური სახელმწიფო უსაფრთხოების სამსახურში დღეს დილით BBC-ის გამოძიებასთან დაკავშირებით გამოიკითხა. ამის შესახებ ინფორმაცია NEWS.On.ge-ს სახელმწიფო უსაფრთხოების სამსახურში დაუდასტურეს.

შეგახსენებთ, რომ BBC-იმ 1-ელ დეკემბერს ჟურნალისტური გამოძიება გამოაქვეყნა, სადაც ნათქვამია, რომ ქართულმა ოცნებამ გასული წლის საპროტესტო აქციების დასაშლელად მოქალაქეების წინააღმდეგ პირველი მსოფლიო ომის ქიმიური იარაღი გამოიყენა".

მეორე დღეს სამთავრობო ტელეკომპანია იმედმა გაავრცელა ყოფილი შს მინისტრის, ვახტანგ გომელაურის კომენტარი, სადაც ის აცხადებს, რომ "ეს ნივთიერებები რაზეც ისინი ლაპარაკობენ, ნამდვილად ჰქონდა შეძენილი შინაგან საქმეთა სამინისტროს და იყენებდა მას, ოღონდ 2012 წლამდე".

"ეს ნივთიერებები რაზეც ისინი ლაპარაკობენ, ნამდვილად ჰქონდა შეძენილი შინაგან საქმეთა სამინისტროს და იყენებდა მას, ოღონდ 2012 წლამდე. თუ არ ვცდები ბოლო შეძენა 2009 თუ 2010 წელს უნდა იყოს განხორციელებული, მას შემდეგ შსს-ს ის არ შეუძენია და გამოუყენებია. მთელი პასუხისმგებლობით შემიძლია გითხრათ, რომ ნაცებმა კატა გამოთხარეს!" — ამბობს გომელაურმა, სამთავრობო პროპაგანდისტული ტელევიზია "იმედის" მიერ გავრცელებულ კომენტარში.

ამის შემდეგ ოცნების პრემიერმა, ირაკლი კობახიძემ განაცხადა, რომ BBC-ის საგამოძიებო ფილმში ნახსენები "კამიტი" არც ნაციონალური მოძრაობის ხელისუფლებას და არც მას შემდეგს საქართველოში არ ყოფილა.