დღეიდან საზოგადოებას უკვე შეუძლია პირველი ქართული ინტერაქციული კინოს, არენას ოფიციალური მუსიკალური რგოლი ნახოს. სტეფანე მღებრიშვილმა adjarabet.com-ის ფილმისთვის სიმღერა "ძველი ტანგო" გააცოცხლა და მსმენელს სრულიად ახლებური ვერსია შესთავაზა. მუსიკალური კლიპის პრეზენტაცია დღეს, 22 ოქტომბერს გაიმართა და პირველი დადებითი შეფასებებიც დაიმსახურა.

"პირველად როცა ვნახე კლიპი ვიფიქრე, რომ ღმერთო ჩემო, ვერ დაიჯერებენ რომ ეს საქართველოში ხდება და ეს კადრები ჰოლივუდიდან არაა ამოჭრილი და აქაა გადაღებული", — თქვა სტეფანე მღებრიშვილმა.

მომღერალმა On.ge-სთან საუბრისას აღნიშნა, რომ ნერვიულობს და ელოდება, რა გამოხმაურებები მოჰყვება ახალ სიმღერას საზოგადოებაში. ამიტომ, შეგიძლიათ კლიპი ნახოთ და თქვენც შეაფასოთ:

არენა adjarabet.com-ის პროექტია. ეს იქნება კინო თამაში სადაც მთავარი გამოცდილებაა — იმ ემოციების, არჩევნის და გადაწყვეტილებების ერთობლიობა, რაც ადამიანს ქმედების დასრულების შემდეგ რჩება. არენას რეჟისორი დათო ბორჩხაძეა, გადაღებები ივლისის ბოლოს წყალტუბოში დაიწყო და მასში ქართველი თუ უცხოელი ვარსკვლავები მონაწილეობდნენ. სპეციალურად არენასთვის თბილისში ლეგენდარული ფეხბურთელი რივალდოც ჩამოვიდა. გადაღებებს Metro Production უძღვებოდა, პროექტზე კი სარეკლამო სააგენტო JWT Metro-მ იმუშავა.

მართე შენი თამაში — ესაა პროექტის მთავრი გზავნილი. მაყურებელი ფილმის დასაწყისიდანვე გამოდის პასიური დამკვირვებლის პოზიციიდან და ხდება აქტიური მოთამაშე, რომელიც თავისი გადაწყვეტილებებით მართავს თამაშს და თვითონ განსაზღვრავს თავის გზას ამა თუ იმ სიუჟეტში.

როგორც adjarabet.com-ის საზოგადოებასთან ურთიერთობის ხელმძღვანელმა, ნინო გუჯაბიძემ გვითხრა, მსგავსი მასშტაბის კინო-თამაში სრულად ინოვაციურია და ანალოგი არ აქვს. მაყურებელი კი მის პრემიერას ნოემბრის თვეში უნდა ელოდოს.

მანამდე კი, გაიგეთ მეტი: