ჯანდაცვის სამინისტროს ცნობით, უკრაინის მოქალაქეების დასახმარებლად სისხლის ჩაბარების მსურველთა რეგისტრაცია იწყება. ამის შესახებ სამინისტრო Facebook-ზე წერს.

უწყების განცხადებით, დაინტერესებულ პირებს შესაძლებლობა აქვთ დარეკონ ცხელ ხაზზე — 1505 ან გაიარონ რეგისტრაცია ვებგვერდზე — donor.moh.gov.ge

"სისხლის ჩაბარების საჭიროების შემთხვევაში, რეგისტრირებულ პირს დაუკავშირდება ჯანდაცვის სამინისტროს წარმომადგენელი და მოიწვევს უახლოეს (რეგისტრირებული პირის საცხოვრებელი ადგილის მიხედვით) სისხლის ამღებ პუნქტში ქვეყნის მასშტაბით", — აღნიშნავენ სამინისტროში.

მათი თქმით, მომზადებული სისხლის პროდუქტები ჰუმანიტარული დახმარების სახით გაიგზავნება უკრაინაში.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში