დიდხნიანი დუმილის შემდეგ, ტომ ჰოლანდმა ბოლო ინტერვიუში დაადასტურა, რომ ზენდეიაზე საიდუმლოდ მართლაც იქორწინა. მსახიობს შეკითხვა AI-ის მიერ გენერირებულ ქორწილის ფოტოებზე დაუსვეს, რომლებიც ინტერნეტში გავრცელდა და შეცდომაში არაერთი ადამიანი შეიყვანა. ჰოლანდმა აღნიშნა, რომ ფოტოების გავრცელების შემდეგ ბებიამისმა ინერვიულა, რადგან ეგონა, რომ ქორწილში არ დაპატიჟეს.

კითხვაზე, მოტყუვდნენ თუ არა ოჯახის სხვა წევრები, ჰოლანდმა პაუზის შემდეგ ჟურნალისტს ასე უპასუხა: "არა, რადგან ყველა იქ იყო". შემდეგ კი მსახიობმა დასძინა: "ამ თემაზე მეტს ვერაფერს გაიგებთ". აღსანიშნავია, რომ საიდუმლო ქორწინების შესახებ აქამდე სხვა კომენტარი არც ტომ ჰოლანდს და არც ზენდეიას არ გაუკეთებიათ.

ფოტო: Instagram

შეგახსენებთ, რომ ზენდეიასა და ტომ ჰოლანდის დაქორწინების ამბავი Actor Award-ზე ზენდეიას სტილისტმა, ლა როუჩმა, გვამცნო. მისი თქმით, წყვილს ქორწილი უკვე ჰქონდა. მალევე კი ინტერნეტში AI-ის მიერ გენერირებული ქორწილის ფოტოები გავრცელდა. ზენდეიასა და ტომ ჰოლანდის "საქორწინო" ფოტოებში რობერტ დაუნი უმცროსს, ტეილორ სვიფტს, ოლივია როდრიგოსა და კრის ევანსსაც კი შენიშნავდით. ზენდეიას თქმით, ფოტოების გავრცელების შემდეგ ბევრი ნაცნობი გაუნაწყენდა, რადგან ისინი "ქორწილში არ დაპატიჟა".

ტომი და ზენდეია ერთმანეთს Spider-Man-ის გადაღებაზე, 2016 წელს შეხვდნენ, ხოლო ურთიერთობა 2021 წელს გაასაჯაროვეს. მათი ნიშნობის ამბავი კი გასულ წელს გავრცელდა, როცა ზენდეია ოქროს გლობუსის დაჯილდოების ცერემონიაზე ნიშნობის ბეჭდით გამოჩნდა. აღსანიშნავია, რომ წყვილი იშვიათად საუბრობს ურთიერთობასა და პირად ცხოვრებაზე.

ასევე იხილეთ: