Shrek 5-ის პირველი ტრეილერი, რომელშიც მაყურებელი შრეკს, ფიონასა და ვირს ახალ ფანტასტიკურ თავგადასავალში იხილავს, უკვე გამოვიდა. თავად ფილმის პრემიერა კი 2027 წლის 30 ივნისს იგეგმება.

Shrek 5 ფრენჩაიზის პირველი ფილმია, რომელიც 17-წლიანი პაუზის შემდეგ გამოდის. ბოლო ნაწილი, სახელწოდებით Shrek Forever After, 2010 წელს გამოვიდა. ამ პაუზის დროს მაყურებელმა ორი სპინ-ოფი იხილა: 2011 წელს გამოშვებული Puss in Boots და მისი გაგრძელება — Puss in Boots: The Last Wish, რომელიც ეკრანებზე 2022 წელს გამოვიდა.

მთავარ გმირებს კვლავ ნაცნობი მსახიობები — მაიკ მაიერსი, ედი მერფი და კამერონ დიასი გაახმოვანებენ. ფრენჩაიზს ახალი ვარსკვლავებიც შეუერთდებიან. შრეკისა და ფიონას გაზრდილი შვილებს (ფელისიას, ფერგუსისა და ფარკლის) ზენდეია, მარჩელო ჰერნანდესი და სკაილერ ჯიზონდო გაახმოვანებენ.

იხილეთ ტრეილერი: