გუშინ საქართველოს მართმადიდებლური ეკლესია ნათლისღებას აღნიშნავდა, რომელზეც ილია მეორემ კიდევ 800 ბავშვი მონათლა.

საპატრიარქოს ინფორმაციით, ამ დროისთვის მას უკვე 30 ათასზე მეტი ნათლული ჰყავს:

"ა.წ 19 იანვარს, ნათლისღების დღესასწაულზე, ყოვლადწმინდა სამების საკათედრო ტაძარში რიგით 47-ე ნათლობა ჩატარდა. სრულიად საქართველოს კათოლიკოს პატრიარქი 800-მდე ბავშვის ნათლია გახდა. დღესდღეობით პატრიარქს 30 000-ზე მეტი ნათლული ჰყავს".

პატრიარქმა მართლმადიდებელ ოჯახში დაბადებული ყოველი მესამე ბავშვის მონათვლა 2008 წელს დაიწყო. მას შემდეგ საყოველთაო ნათლობა რეგულარულად იმართება.

2016 წელს დაიწყო "პატრიარქის ნათლულების" წიგნი-ალბომის გამოცემა, რომელიც პატრიარქის ნათლულებისთვისაა განკუთვნილი და მისი ღირებულება 100 ლარია.