ჰონგ-კონგის ბიზნეს მაგნატი, ჯიმი ლაი დააკავეს და მისი ოფისი პოლიციამ საგარეო ძალებთან გარიგების ბრალდებით დაარბია.

ივნისში ჩინეთში დაწესებული წინააღმდეგობრივი უსაფრთხოების კანონის ფარგლებში, ეს დაკავება ყველაზე დიდი მნიშვნელობის ფაქტია, რადგან მაი პრო-დემოკრატიული პროცესების, მათ შორის, გასულ წელს გამართული პროტესტის მხარდამჭერიც იყო.

ჩინეთის სახელმწიფო მედიამ Global Times მაი "საზოგადოებრივი წესრიგის დამრღვევთა მხარდაჭერაში" დაადანაშაულა, ხოლო მის გამოცემას სიძულვილის წაქეზებასა და ჭორების გავრცელებაში დასდო ბრალი.

ჯიმი ლაი ბიზნესმენია, რომლის ქონება დაახლოებით 1 მილიარდი დოლარია. 30 ივნისს, როცა ჰონგ-კონგის უსაფრთხოების კანონი ამოქმედდა, მაიმ BBC-ის განუცხადა, რომ ეს კანონი "სამგლოვიარო ზარი იყო ჰონგ-კონგისთვის".

როგორც კანონის კრიტიკოსები ამბობენ, ის ფართომასშტაბიან უფლებას აძლევს ჩინეთის ხელისუფლებას, რომ ჰონგ-კონგის ავტონომიაში ადამიანის უფლებები შეზღუდოს. ამავე დროს, ჩინეთის ხელისუფლება ამტკიცებს, რომ კანონი საგარეო ჩარევისგან ქვეყნის დაცვისთვისაა აუცილებელი.

კანონის ძალაში შესვლის შემდეგ, დიდი ბრიტანეთის პრემიერმინისტრმა, ბორის ჯონსონმა დაადასტურა, რომ ჰონგ-კონგის იმ მოქალაქეებისთვის, რომლებსაც ბრიტანეთის ზღვისიქითა პასპორტი აქვთ, საიმიგრაციო სისტემა შეიცვლებოდა. მათ საშუალება ექნებათ, ბრიტანეთში ცხოვრებისა და მუშაობის დამატებითი უფლება მოიპოვონ და რამდენიმე წელში მოქალაქეებიც გახდნენ.