ინტერნეტსივრცეში სახელგანთქმულ მაკაკას, IKEA-მ საჩუქრად სათამაშოები გადასცა. გასულ კვირას, სოციალურ ქსელებში პატარა მაკაკას, პანჩის, ვიდეოები გავრცელდა, სადაც ის თავის სათამაშო ორანგუტანგს ეხუტება.

ფოტო: Rolling Stone

7 თვის პანჩი დედამ დაბადებისთანავე მიატოვა, ახლა კი მასზე იაპონიაში მდებარე იჩიკავას ზოოპარკი ზრუნავს. თუმცა, დარწმუნებით ვერ ვიტყვით იმას, რომ სხვა მაიმუნები კეთილგანწყობილები არიან პანჩის მიმართ.

დედისაგან მიტოვებულ პანჩის თავიდანვე გაუჭირდა ახალ გარემოსთან ადაპტაცია და სხვა მაიმუნებთან მეგობრული ურთიერთობის ჩამოყალიბება. გავრცელებულ ვიდეოშიც ვხედავთ, თუ როგორ არის პანჩი ათვალწუნებული სხვა მაიმუნებისაგან.

ფოტო: ichikawa_shi / X

ზოგადად, მაიმუნები დაბადების შემდეგ გარკვეული პერიოდი დედაზე არიან მიჯაჭვულები. სწორედ ამიტომ, ზოოპარკმა გადაწყვიტა, რომ სევდის შესამსუბუქებლად მაკაკისთვის სათამაშო მაიმუნი მიეცათ.

პანჩი დღის ძირითად ნაწილს თავის სათამაშო ორანგუტანგთან ერთად ატარებს. მაკაკა სათამაშოს დედასავით ეპყრობა და მას გვერდიდან არ იშორებს. მის გასახარებლად, კომპანია IKEA-მ ზოოპარკს ახალი სათამაშოები გადასცა.

ფოტო: X / @ichikawa_zoo

"ვიმედოვნებთ, რომ ჩვენ მიერ ნაჩუქარი სათამაშოები პანჩის დაეხმარება სტრესის მოშორებაში და ახალ გარემოსთან ნელ-ნელა ადაპტირდება", — ვკითხულობთ იჩიკავას ზოოპარკის მიერ გამოქვეყნებულ პოსტში.