შსს-ს და თავდაცვის სამინისტრტოსთვის სიცოცხლისთვის საშიში თევზის კონსერვების მიწოდების ფაქტზე კომპანია "კულას" და შპს "ბატონოს" დირექტორი ივანე გოგლიძე დააკავეს.

"2025 წელს, სახელმწიფო ტენდერის საფუძველზე გაფორმებული ხელშეკრულების ფარგლებში, 380 792 ლარის ღირებულების 24 177.3 კილოგრამი თევზის კონსერვი მიაწოდა სასაზღვრო პოლიციასა და შპს "სახელმწიფო კვებით უზრუნველყოფას“. აღნიშნული პროდუქცია განკუთვნილი იყო საქართველოს შინაგან საქმეთა და თავდაცვის სამინისტროების თანამშრომელთა კვებისთვის," — ვკითხულობთ ფინანსთა სამინისტროს საგამოძიებო სამსახურის მიერ გავრცელებულ განცახდებაში.

BM.ge-ს ინფორმაციით, კომპანია "ბატონოს" და "გორის საკონსერვო ქარხანა — კულას" 100%-იან წილის მფლობელი ლეილა ლონდარიძეა, ხოლო ორივე კომპანიაში დირექტორის პოზიციას ივანე გოგლიძე იკავებდა.

ფინანსთა სამინისტროს საგამოძიებო სამსახურის ინფორმაციით, ექსპერტიზის ჩატარება ვერ მოხერხდა, რადგან პროდუქცია მაღალი ტოქსიკურობის გამო საფრთხეს უქმნიდა თავად ექსპერტის სიცოცხლესა და ჯანმრთელობას.

საქმეზე გამოძიება მიმდინარეობს საქართველოს სისხლის სამართლის კოდექსის 197-ე მუხლის მე-3 ნაწილით, რაც 5-დან 7 წლამდე ვადით თავისუფლების აღკვეთას ითვალისწინებს.