თანამედროვე მომხმარებელი ციფრულ გარემოსთან უფრო და უფრო სწრაფად ადაპტირდება — მყისიერი გადაწყვეტილებებით, მოქნილი არჩევანითა და ტექნოლოგიებთან ჰარმონიული თანაარსებობით.

სწორედ ამიტომ, თიბისი მუდმივად აუმჯობესებს საკუთარ ციფრულ სერვისებს და მომხმარებლებს ყოველდღიურ ფინანსურ რუტინას უმარტივებს. განსაკუთრებით კი მაშინ, როცა საქმე ბავშვებისა და მოზარდების ფინანსურ დამოუკიდებლობას ეხება — სწრაფი, მარტივი და თანამედროვე პროდუქტები კიდევ უფრო მნიშვნელოვანია.

სწორედ ამ მიზანს ემსახურება მოსწავლის ბარათის აღების ახალი, კიდევ უფრო გამარტივებული გზა, რომელიც თანამედროვე მშობლებისა და შვილების საჭიროებებს სრულად არის მორგებული.

მოსწავლის ბარათის შეკვეთა ახლა უკვე პირდაპირ მობაილბანკიდან, ფილიალში მისვლისა და დამატებითი დოკუმენტაციის წარდგენის გარეშე არის შესაძლებელი.

როგორ შევუკვეთოთ მოსწავლის ბარათი?

პროცესი მარტივია, სულ რამდენიმე წუთსა და მშობლის მოიბაილბანკს მოითხოვს:

• გახსენით თქვენი მობაილბანკი;
• გადადით "პროდუქტების გვერდზე";
• აირჩიეთ "ბარათის შეკვეთა", შემდეგ კი "მოსწავლის ბარათი";
• და მიჰყევით ინსტრუქციას.

მობაილბანკიდან ბარათი სულ რამდენიმე წამში გააქტიურდება და მოსწავლე მის გამოყენებას ელექტრონულ საფულეში დამატებისთანავე შეძლებს. ფიზიკური ბარათის დამზადებას კი მაქსიმუმ 3 სამუშაო დღე დასჭირდება.

მობაილბანკი — თქვენი შვილის პირველი ნაბიჯი ფინანსური დამოუკიდებლობისკენ

6-დან 17 წლამდე ბავშვებს შეუძლიათ, მშობლის მოწვევით, ისარგებლონ მობაილბანკით და თავად განკარგონ საკუთარი ფინანსები, თუმცა მშობელი ყოველთვის რჩება პროცესის მონაწილე: მას სრული წვდომა აქვს მოსწავლის ბარათის ოპერაციებზე და შეუძლია, ნებისმიერ დროს გაუწიოს მონიტორინგი შვილის ხარჯებს.

მობაილბანკში მოსწავლეები შეძლებენ:

• ანგარიშზე ბალანსის შემოწმებას;
• მშობლის თანხმობით, თანხის სხვასთან გადარიცხვას;
• მობილური ბალანსის შევსებას;
• მათზე მორგებული შეთავაზებების გაცნობას;
• ბარათის მართვას — დეტალების ნახვას, პაროლის შეცვლასა თუ დაბლოკვას.

იმისთვის, რომ მოსწავლემ მობაილბანკზე წვდომა მიიღოს, მშობელმა მას მობაილბანკის "ბავშვის სივრციდან” უნდა გაუგზავნოს მოწვევა. ამით თქვენს შვილს უცხადებთ ნდობას და აძლევთ სივრცეს, სადაც ის ისწავლის საკუთარ თავზე ფინანსური პასუხისმგებლობის აღებას, გონივრულ ხარჯვასა და ჯანსაღ ფინანსურ ჩვევებსაც ჩამოიყალიბებს.

თანაც, თიბისის მოსწავლის ბარათის მფლობელები მუდმივად სარგებლობენ მათზე მორგებული მრავალფეროვანი შეთავაზებებით და პარტნიორ ობიექტებში მომენტალურ ქეშბექებსაც იბრუნებენ.

ამიტომ, დაზოგეთ დრო და კიდევ უფრო სწრაფად და მარტივად ასწავლეთ თქვენს შვილებს ფინანსური დამოუკიდებლობა.

აიღეთ მოსწავლის ბარათი, ახლა უკვე წამებში — პირდაპირ მობაილბანკიდან.