ვასო აბაშიძის სახელობის ახალი თეატრი მსახიობებმა პროტესტის ნიშნად დატოვა. ნანკა კალატოზიშვილმა, კახა კინწურაშვილმა, ეკა დემეტრაძემ და გივიკო ბარათაშვილმა სოციალურ ქსელში ერთნაირი შინაარსის განცხადება გაავრცელეს — "დღეიდან აღარ ვარ ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის მსახიობი, დიდი მადლობა ყველას ვისთან ერთადაც სცენაზე ვმდგარვარ".

თეატრის დასი დატოვეს ასევე მსახიობებმა, მანუ თავაძემ, ლუკა ჯაფარიძემ, ტასო ჭანტურაიამ და დავით ბეშიტაიშვილმა.

მათი გადაწყვეტილება თეატრის ფასადიდან მსახიობ ანდრო ჭიჭინაძის მხარდამჭერი ბანერის ჩამოხსნას უკავშირდება. ბანერი, წარწერით "თავისუფლება სისტემის პატიმრებს", თეატრის შენობაზე ერთ წელზე მეტი ხნის განმავლობაში იყო გამოფენილი და 19 თებერვალს ერთ-ერთი სატელევიზიო შოუს პრომოს გადაღების საბაბით ჩამოხსნეს. ეს ფაქტი ადგილზე მსახიობებმა, ანდროს მეგობრებმა და კოლეგებმა გააპროტესტეს და ანდროს ბანერი თეატრის აივნიდან ისევ გადმოფინეს, თუმცა მოგვიანებით ბანერი კვლავ ჩამოხსნეს.

ასევე ნახეთ: სანამ ასეთი სოლიდარობა არსებობს, დიქტატურა ვერ დამყარდება! — ლიკა გუნცაძე ანდრო ჭიჭინაძის ბანერის ჩამოხსნაზე