თანამედროვე ადამიანს ფიზიკური აქტივობების ნამდვილად მრავალფეროვანი არჩევანი აქვს იმ შემთხვევაში, თუ გადაწყვეტს, რომ ჯანსაღი ცხოვრების წესს მიჰყვეს. თუმცა, როცა საქმე იოგასა და პილატესს ეხება, ბევრმა ადამიანმა არ იცის, რა განსხვავებაა ამ ორ აქტივობას შორის და რომელს უნდა მიანიჭონ უპირატესობა.

ამ ორ ვარჯიშს შორის ბევრი მსგავსებაა, თუმცა ისინი ერთმანეთისაგან ფუნდამენტურად განსხვავდებიან. პილატესისა და იოგას ვარჯიშების შესრულება როგორც ცალ-ცალკე, ისე ერთმანეთის მონაცვლეობით, ფიზიკური ჯანმრთელობის გაუმჯობესებაში გვეხმარება.

და რა განსხვავებაა მათ შორის?

პილატესის ვარჯიშები 1926 წელს გერმანელმა ანატომმა პირველი მსოფლიო ომის ვეტერანების ფიზიკური ჯანმრთელობის გაუმჯობესების მიზნით შეიმუშავა. თავდაპირველად, ვარჯიშების მიზანი იყო იმ ხალხის დახმარება, რომლებსაც ფიზიკური დაზიანებების შემდეგ, სხეულის ძალის გაძლიერება სურდათ. მოგვიანებით, ვარჯიშების შესრულება ბალერინებმა და მოცეკვავეებმა დაიწყეს.

ფოტო: Freepik

მეორე მხრივ, იოგა თავს საუკუნეებით ადრე იჩენს, მისი მიზანი კი სხეულისა და გონებას შორის კავშირის დამყარებაა. თუმცა, ტრადიციული იოგა მხოლოდ ფიზიკური აქტივობა არ არის — ის ცხოვრების სტილია, რომელიც იზიარებს ფილოსოფიურ იდეებს და გვიკვლევს ცხოვრების გზას.

ფოტო: Freepik

აღსანიშნავია, რომ იოგა ძირითადად გვეხმარება ფიზიკური ჯანმრთელობის გაძლიერებაში, ვინაიდან ის ხელს უწყობს წონასწორობისა და ელასტიკურობის გაუმჯობესებას.

ორივე ვარჯიში ეყრდნობა ადამიანის მასას, თუმცა პილატესი დამატებით ხელსაწყოსაც იყენებს, მაგალითად — რეზინებს, როლერებს, სხვადასხვა მექანიკურ ხელსაწყოებს და ა.შ. მართალია, დამატებით ხელსაწყოებს იოგაც იყენებს, თუმცა განსხვავებული მიზნით.

და რა მსგავსებაა პილატესსა და იოგას შორის?

ამ განსხვავებების მიუხედავად, ორივე ვარჯიში ხელს უწყობს ერთი და იმავე კუნთის მუშაობას, მათ შორის — მხრის, კისრის, ზურგის, ბარძაყის, მუცლისა და საჯდომის კუნთებს.

გარდა ამისა, ისინი გვეხმარება:

  1. ქრონიკული ტკივილების შემცირებაში;

  2. სხეულის ელასტიკურობის გაზრდაში;

  3. გონების დამშვიდებაში.

და პილატესზე ვიარო თუ იოგაზე?

სამწუხაროდ, ამ კითხვაზე სწორი პასუხის გაცემა მხოლოდ თქვენ და თქვენს ექიმს შეგიძლიათ. ვინაიდან, თუ თქვენ ანემია ან მაღალი სისხლის მიმოქცევა გაქვთ, შესაძლოა, ეს ვარჯიშები თქვენთვის არცთუ ისე სასარგებლო აღმოჩნდეს (შესაბამის ინფორმაციას თავად ექიმი მოგაწვდით).

სხვა შემთხვევაში, თქვენი კეთილი ნებაა, თუ რომელ ვარჯიშებს მიანიჭებთ უპირატესობას.