სიდნი სვინი ბოლო პერიოდის განმავლობაში წითელ ხალიჩებზე, დაჯილდოებებსა თუ ინტერვიუებზე "ძველი ჰოლივუდის" სტილის ჩაცმულობას აცოცხლებს. გამონაკლისი არც სანტა-ბარბარას კინოფესტივალი აღმოჩნდა.

8 თებერვალს, Euphoria-ს ვარსკვლავი სანტა-ბარბარას ღონისძიებაზე 2026 წლის Virtuosos Award-ის ერთ-ერთი ნომინანტის სტატუსით წარსდგა. მას Ceil Chapman-ის ელეგანტური კაბა ეცვა, რომელიც მერილინ მონროს 1952 წლის სამოსის თითქმის იდენტურია.

სვინის კაბა მოშიშვლებული მხრებით, ცენტრში მოთავსებული ბროშითა და გამოკვეთილი დრაპირებით გამოირჩევა, რომელიც წელის სიწვრილის ილუზიას ქმნის.

ფოტო: Getty Images

8 თებერვალი არ ყოფილა პირველი შემთხვევა, როცა სვინიმ ჩაცმულობის ინსპირაცია მერლინ მონროსგან აიღო. 15 დეკემბერს, ფილმ მოახლის პრემიერაზე, მსახიობი Galia Lahav-ის თეთრ კაბაში გამოჩნდა, რომელიც მონროს 1955 წლის ფილმის, The Seven Year Itch-ს, ცნობილი სცენის გამეორებას ცდილობდა. მერლინის კაბა 2011 წლის აუქციონზე $4.6 მილიონად გაიყიდა.

ფოტო: Getty Images

ფოტო: Getty Images

გარდა ამისა, იანვარში სიდნიმ ჟურნალ W-ის გარეკანიც დაამშვენა. ფოტოებში მისი ვარცხნილობა და იმიჯი პირდაპირ მონროს საკულტო სტილსა და იმიჯს ასახავდა. როგორც ჩანს, ახალგაზრდა მსახიობი წარმატებით ახერხებს წარსულის დახვეწილობისა და თანამედროვეობის გამბედაობის გაერთიანებას, რითაც მოდის კრიტიკოსების ყურადღებას მუდმივად იპყრობს.

ფოტო: Supplied