რუსულ კანონზე სარჩელის განხილვის პირველი 10-საათიანი განხილვის შემდეგ სასამართლომ გადაწყვიტა, დავა მომდევნო დღეს გაგრძელდეს.

რუსული კანონის წინააღმდეგ საკითხის განხილვას საკონსტიტუციო სასამართლო დღეს 30 აგვისტოს, 11:00 საათზე განახლდება. საკითხის განხილვა გუშინ გაიწყო.

მოსამართლეებს უკვე მიმართეს: ძლიერი საქართველოს წევრმა, ანა ნაცვლიშვილმა, ერთიანი ნაციონალური მოძრაობის წევრმა, თამარ კორძაიამ, საკონსტიტუციო სასამართლოში პრეზიდენტის წარმომადგენლებმა ეკა ბესელიამ და გიორგი ბურჯანაძემ, არასამთავრობოების წარმომადგენელმა, იურისტმა ქეთევან ერემაძემ, ჟურნალისტმა გელა მთივლიშვილმა და საქართველოს პარლამენტის წარმომადგენელმა, ქრისტინე კუპრავა.

ქართული ოცნების დეპუტატები, ანრი ოხანაშვილი, თენგიზ შარმანაშვილი და არჩილ გორდულაძე საკონსტიტუციო სასამართლოში რუსული კანონის განხილვას არ ესწრებიან. მათ ნაცვლად საკანონმდებლო ორგანოს პარლამენტის აპარატის თანამშრომლები: ლევან კასრაძე, ლევან ღავთაძე და ქრისტინე კუპრავა წარმოადგენენ.

სხდომას ასევე არ ესწრება მოსამართლე ირინე იმერლიშვილი. მიზეზად სხდომის თავმჯდომარემ, მერაბ ტურავამ მისი ჯანმრთელობის მდგომარეობა დაასახელა.

საკონსტიტუციო სასამართლოს ვებგვერდზე ვკითხულობთ, რომ: "2024 წლის 30 აგვისტოს 11:00 საათზე საქართველოს საკონსტიტუციო სასამართლოში გაიმართება განმწესრიგებელი სხდომა საქმეზე საქართველოს პრეზიდენტი, საქართველოს პარლამენტის წევრები: თამარ კორძაია, ანა ნაცვლიშვილი, ლევან ბეჟაშვილი და სხვები (სულ 38 დეპუტატი), ა(ა)იპ ინფორმაციის თავისუფლების განვითარების ინსტიტუტი, ა(ა)იპ უფლებები საქართველო, ა(ა)იპ სამოქალაქო საზოგადოების ფონდი და სხვები (სულ 122 მოსარჩელე), შპს საინფორმაციო ცენტრების ქსელი და ა(ა)იპ სტუდია მონიტორი პარლამენტის წინააღმდეგ".

წარმოდგენილი კონსტიტუციური სარჩელებით სადავოდაა გამხდარი უცხოური გავლენის გამჭვირვალობის შესახებ საქართველოს კანონი, რომელიც ადგენს სუბიექტის უცხოური ძალის ინტერესების გამტარებელ ორგანიზაციად რეგისტრაციის წესსა და აწესრიგებს უცხოური ძალის ინტერესების გამტარებელი ორგანიზაციის საქმიანობის გამჭვირვალობასთან დაკავშირებულ სხვა საკითხებს.

მოსარჩელეთა არგუმენტაციით, სადავოდ გამხდარი კანონი, მასში გამოყენებული ტერმინოლოგიითა თუ სხვადასხვა რეპრესიული მექანიზმის გათვალისწინებით

მოსარჩელე მხარე მიიჩნევს, რომ უცხოური გავლენის გამჭვირვალობის შესახებ საქართველოს კანონის მიღება ეწინააღმდეგება საქართველოს კონსტიტუციის ძირითად პრინციპებს და აბრკოლებს საქართველოს ევროპის კავშირში გაწევრიანების პროცესს, რითაც იგი არღვევს საქართველოს კონსტიტუციის 78-ე მუხლით განსაზღვრულ ვალდებულებას.

ამ თემაზე გაიგე მეტი:

საკონსტიტუციო სასამართლოში პრეზიდენტის ინტერესებს ოთხი წარმომადგენელი დაიცავს

ეკა ბესელიას განცხადება

ეკა ბესელია ბესელია მოსამართლის კითხვას პასუხობს

გვაქვს მოთხოვნა, რომ გადაწყვეტილების მიღებამდე, შეაჩეროთ სადავო კანონის მოქმედება

ქრისტინე კუპრავა, ცდილობს ახსნას, რატომ არ არის "უცხო ძალის ინტერესის გამტარებელი" მასტიგმატიზებელი