ქვემო ქართლის პოლიციამ მარნეულში არასრულწლოვნის მიმართ ჩადენილი განზრახ მკვლელობის მცდელობის ბრალდებით 2006 წელს დაბადებული ა.ა. ცხელ კვალზე დააკავა.

შინაგან საქმეთა სამინისტროს ინფორმაციით, გამოძიებამ დაადგინა, რომ ბრალდებულმა ურთიერთშელაპარაკების ნიადაგზე დანით დაჭრა 2009 წელს დაბადებული ნ.რ., რომელსაც სხეულის სხვადასხვა არეში მრავლობითი ჭრილობები მიაყენა და შემთხვევის ადგილიდან მიიმალა.

დაჭრილი მოზარდი საავადმყოფოშია გადაყვანილი და მას შესაბამისი სამედიცინო დახმარება უტარდება. დანაშაულის ჩადენისას გამოყენებული იარაღი – დანა – ნივთმტკიცებად არის ამოღებული.

გამოძიება საქართველოს სისხლის სამართლის კოდექსის 19-109-ე მუხლის "ე" ქვეპუნქტით მიმდინარეობს. დანაშაული 20 წლით პატიმრობას ითვალისწინებს.

ცნობისთვის, წუხელ, გვიან ღამით "რადიო მარნეულმა" გაავრცელა ინფორმაცია, რომ მოზარდი 50-ზე მეტი მიყენებული ჭრილობით იპოვეს. შემთხვევა კი 10 ივლისს, 2 დღის წინ მოხდა. დაზარალებულის ახლობლების თქმით, მათ მხოლოდ რამდენიმე საათის წინ მოახერხეს მოზარდის პოვნა.

ამავე თემაზე იხილეთ: