ამერიკის შეერთებული შტატების პრეზიდენტი, დონალდ ტრამპი აცხადებს, რომ 2025 წლის 1 აგვისტოდან 30%-იანი ტარიფები ევროკავშირისა და მექსიკიდან შემოსულ ყველა პროდუქტზე ძალაში შევა. ინფორმაციას ამის შესახებ Reuters ავრცელებს.

ტრამპმა Truth Social-ზე განთავსებულ მიმართვაში განმარტა, რომ გადაწყვეტილება ევროკავშირთან და მექსიკასთან წარუმატებელი მოლაპარაკებების შემდეგ იქნა მიღებული.

"ამერიკა აღარ შეეგუება უსამართლო სავაჭრო შეთანხმებებს," — განაცხადა ტრამპმა.

ევროკომისიის პრეზიდენტმა ურსულა ფონ დერ ლაიენმა ამ ნაბიჯს “მუქარა” უწოდა და თქვა, რომ ევროკავშირი მზად არის "გადადგას ყველა საჭირო ნაბიჯი, მათ შორის პროპორციული საპასუხო ზომებიც."

ევროპელი ლიდერები, მათ შორის გერმანიის, იტალიისა და ნიდერლანდების წარმომადგენლები, ხაზს უსვამენ ტარიფების ეკონომიკურ საფრთხეებს.

ცნობისთვის, ტრამპის ნაბიჯი ფართო სავაჭრო სტრატეგიის ნაწილია, რომელიც ტარიფების გაზრდას კანადაზე, ბრაზილიაზე, იაპონიასა და სამხრეთ კორეაზე მოიცავს, ასევე 50%-იან საბაჟო განაკვეთის დაწესებას სპილენძზე.

სავაჭრო ანალიტიკოსების ნაწილი ფიქრობს, რომ 30%-იანი ტარიფი შესაძლოა ზეწოლის ინსტრუმენტი იყოს და აშშ საბოლოოდ დათანხმდეს უფრო დაბალ განაკვეთს შეთანხმების სანაცვლოდ.