დოკუმენტურ ფილმში "რუსეთი. კრემლი. პუტინი. 25 წელი" ახლახან გამოქვეყნებულ ინტერვიუში, რუსეთის პრეზიდენტმა ვლადიმერ პუტინმა აღნიშნა, რომ საბჭოთა კავშირის დაშლის შემდეგ დასავლეთმა დაიწყო "თავის მიერ მოგონილი წესებით ცხოვრება", და რუსეთის ინტერესები სრულიად დააიგნორა. ამის შესახებ ინფორმაციას RIA Novosti ავრცელებს.

"დასავლეთმა გადაწყვიტა: აღარ არსებობს საბჭოთა კავშირი — რატომ უნდა დავიცვათ წესები რუსეთის მიმართ… ვიცხოვრებთ ისე, როგორც გვინდა," — თქვა პუტინმა.

ეს კომენტარი Rossiya TV-ზე 4 მაისს ნაჩვენები ინტერვიუს აქამდე გამოუქვეყნებელ ნაწილში გაჟღერდა, რომელიც საიდა მედვედევასა და პაველ ზარუბინის ფილმში "რუსეთი. კრემლი. პუტინი. 25 წელი", შედის.