რუსეთი უკრაინის წინააღმდეგ სპეციფიკურ ტერორისტულ ტაქტიკას იყენებს — მასიურად ახორციელებს დარტყმებს დრონებითა და სხვა საჰაერო იარაღით. ამის შესახებ უკრაინის პრეზიდენტმა ვოლოდიმირ ზელენსკიმ თავის საღამოს მიმართვაში განაცხადა.

"რუსები აგრძელებენ სპეციფიკური ტერორისტული ტაქტიკის გამოყენებას ჩვენი სახელმწიფოს წინააღმდეგ — კონცენტრირებულ დარტყმებს აყენებენ ერთ ან მეორე ქალაქს. ისინი ცდილობენ, რომ მსგავსი დარტყმების რაოდენობა შეინარჩუნონ დაახლოებით 300 "შაჰედის" დონეზე", — აღნიშნა უკრაინის ლიდერმა.

ზელენსკის თქმით, 12 ივნისის ღამეს, რუსეთმა უკრაინის მიმართულებით 339"შაჰედი" გაუშვა.

ზელენსკიმ განმარტა, რომ ასეთი შეტევების მთავარი მიზანია უკრაინის საჰაერო თავდაცვის გადატვირთვა. მისი თქმით, ეს არის "განზრახ ჩადენილი ბოროტი ტერორი" ოკუპანტების მხრიდან.