გვიან ღამით, ქუთაისი-წყალტუბოს გზაზე ავტოსაგზაო შემთხვევა მოხდა. Info Imereti-ს ცნობით, შემთხვევას მოტოციკლის მძღოლი, 33 წლის კაცი ემსხვერპლა, დაშავდა კიდევ ერთი ადამიანი.

თვითმხილველების ინფორმაციით, მაღალი სიჩქარით მოძრავი მოტოციკლი ამოყირავდა, მის საშველად გზაზე გადასულ მამაკაცს კი ავტომობილი დაეჯახა.

დაშავებულები კლინიკაში გადაიყვანეს. ახალგაზრდა კაცის გადარჩენა ვერ მოხერხდა. მეორე კაცს კი ოპერაცია ჩაუტარდა, ის რეანიმაციულ განყოფილებაში რჩება. მომხდარზე დაწყებულია გამოძიება.