სოციალური კვლევისა და ანალიზის ინსტიტუტი (ISSA) საქართველოში მიმდინარე პროცესებთან დაკავშირებით, საქართველოს მოსახლეობის განწყობილებების 2025 წლის ივნისის კვლევას აქვეყნებს.

ISSA-ს კვლევის მიხედვით, საქართველოს ევროკავშირში გაწევრების მომხრეა საქართველოს მოსახლეობის 83% და "ოცნების" ამომრჩევლის 68%.

ევროკავშირში საქართველოს გაწევრების მიმართ მხარდაჭერა მაღალია საქართველოს მოსახლეობაში და 83%-ს შეადგენს, წინააღმდეგია 13%, პასუხი არ აქვს 4%-ს.

თბილისში ევროკავშირში გაწევრიანების მომხრეა 85%, წინააღმდეგია 13%, პასუხი არ აქვს 2%-ს.

რეგიონებში მომხრეა 82%, წინააღმდეგია — 13%, პასუხი არ აქვს 2%-ს.

პროევროპულ ოპოზიციაში მომხრეა 94%, წინააღმდეგია — 4%, პასუხი არ აქვს 3%-ს.

ქართული ოცნების ამომრჩეველში მომხრეა 68%, წინააღმდეგია 27% და პასუხი არ აქვს 7%-ს.

საქართველოს NATO-ში გაწევრების მიმართ მხარდაჭერა გამოხატულია ყველა სამიზნე ჯგუფის უმრავლესობაში, ქართული ოცნების ამომრჩევლების გარდა.

NATO-ში საქართველოს გაწევრების მიმართ მხარდაჭერა მაღალია საქართველოს მოსახლეობაში და 68%-ს შეადგენს, წინააღმდეგია 23%, პასუხი არ აქვს 9%-ს.

თბილისში NATO-ში გაწევრიანების მომხრეა 67%, წინააღმდეგია 26%, პასუხი არ აქვს 7%-ს.

რეგიონებში მომხრეა 68%, წინააღმდეგი - 22%, პასუხი არ აქვს 10%-ს.

პროევროპულ ოპოზიციაში მომხრეა 84%, წინააღმდეგია - 10%, პასუხი არ აქვს 6%-ს.

ქართული ოცების ამომრჩეველში მომხრეა 50%, წინააღმდეგია 39% და პასუხი არ აქვს 11%-ს.

ქვეყნის საგარეო კურსთან დაკავშირებით დასმულ სხვა კითხვებზე, ასეთი შედეგებია:

ოდკბ-ში გაწევრების მიმართ გამოკვეთილი მიუღებლობაა.

საქართველოს ნეიტრალიტეტის მიმართ არაერთმნიშვნელოვანი დამოკიდებულებაა:

საქართველოში — მომხრე 52%, წინააღმდეგი — 36%;

თბილისში — მომხრე 47-46%;

რეგიონები — მომხრე 54, წინააღმდეგი — 31%;

პროევროპული ოპოზიციის ამომრჩევლებში — მომხრე 52%, წინააღმდეგი — 37%;

ქართულ ოცნების ამომრჩევლები — მომხრე 66%, წინააღმდეგი — 22%.

რაოდენობრივ კვლევაში, პირისპირი ინტერვიუს გზით, მონაწილეობას იღებდა საქართველოს სრულწლოვანი (+18) მოსახლეობის 2000 რესპონდენტი. რესპონდენტების შერჩევა ალბათურად (შემთხვევითობის პრინციპით) მოხდა, კერძოდ, წინასწარი სტრატიფიკაციის კლასტერული მეთოდით. შერჩევის ცდომილება ±2.2% მთლიანი შერჩევისთვის, 95%-იანი სანდოობით. საველე სამუშაოები ჩატარდა 2025 წლის 17-29 ივნისის შუალედში, 71%-იანი გამოპასუხების წილით. კვლევის დონორია სამოქალაქო საზოგადოების ფონდი, ხოლო განმახორციელებელი სოციალური კვლევისა და ანალიზის ინსტიტუტი (ISSA).