5 ივლისს PLUS 8 წლის გახდა. საქართველოს ბანკის მომხმარებლებმა მთელი წლის დაგროვილი PLUS ქულებით 50%-ანი ფასდაკლებით იშოპინგეს.

extra PLUS-ის ერთ-ერთი მნიშვნელოვანი პარტნიორია, სადაც მომხმარებლებს 24 საათის განმავლობაში შეეძლოთ ორმაგი შეთავაზებით სარგებლობა — 50% ფასდაკლება და დამატებითი შეთავაზებები.

ამ პარტნიორობის შესახებ, extra-ს სტრატეგიული პროექტების დირექტორი, ანა ტაბატაძე და საქართველოს ბანკის ლოიალობის პროგრამის მართვის დეპარტამენტის დირექტორი, ქეთევან ბიჭიაშვილი მოგვიყვებიან.

როგორც ვიცით, extra ყოველთვის განსაკუთრებულად ემზადება სხვადასხვა კამპანიებისთვის. არც 5 ივლისი იყო გამონაკლისი, გაგვიზიარე როგორ ემზადებოდით კომპანიაში ამ დღისთვის?

extra 5 წლის არის და ყოველ წელს დიდი ენთუზიაზმით და უფრო გაზრდილი მოლოდინებით ვერთვებით ხოლმე PLUS-ების დაბადების დღის მასშტაბურ კამპანიაში.

ამ დღისთვის მზადება თითქმის1 თვით ადრე დავიწყეთ. მუშაობის პროცესში აქტიურად არის ჩართული თითქმის ყველა გუნდის წევრი: მარკეტინგი, კომერცია, კონტენტი, საოპერაციო გუნდი, პროდუქტის განვითარება და სხვა. ჩვენი მიზნად დავისახეთ, რომ ამ აქციისთვის მომხმარებლისთვის შეგვეთავაზებინა:

  • ყველაზე დიდი არჩევანი საუკეთესო ფასად;
  • გაუმჯობესებული მომხმარებლის მხარდაჭერა — დავნერგეთ AI მხარდამჭერი;
  • გაახლებული საძიებო ველი — მომხმარებელს შეუძლია ნებისმიერი პროდუქტი მოძებნოს მისი აღწერისა თუ სხვადასხვა სიტყვების კომბინაციის გამოყენებით.

ფოტო: extra.ge

კომუნიკაციაში გამოიკვეთა სხვადასხვა მიზეზები, რატომ უნდა ეშოპინგათ მომხმარებლებს extra-ზე. რა შესთავაზა extra-მ წელს მომხმარებლებს განსაკუთებული?

extra-ს მთავარი მიზანია, რომ მომხმარებელს შესთავაზოს მასზე მორგებული შოპინგის გამოცდილება. შესაბამისად მაქსიმალურად შევეცადეთ გაგვეთვალისწინებინა ყველა ის პირობა რაც მომხმარებელს კომფორტს შეუქმნიდა ამ დღეს შოპინგის დროს.

ყოველ წელს უფრო და უფრო იმატებს ქალაქში საცობები და სავაჭრო ობიექტებში ხალხი სიმრავლე. ამიტომ ჩვენ აქცენტი დროის დაზოგვაზე გავაკეთეთ და მომხმარებელს რიგებში და საცობებში ყოფნის გარეშე 24 საათიანი მშვიდი შოპინგის გამოცდილება შევთავაზეთ. აქციის მოახლოვებას კი მომხმარებლები ახალი წლის დადგომასავით 00:00-ზე წინასწარ მომზადებული გამზადებული Wishlist-ებით ელოდებოდნენ.

მომხმარებელს შევთავაზეთ იგივე გამოცდილება როგორც ფიზიკურ მაღაზიებში. კომბინირებული გადახდა — ანუ თუ მომხმარებელს არ ჰქონდა საკმარისი PLUS ქულები, extra-ზე შესაძლებელი იყო სხვაობის თანხის დამატება და სასურველი ნივთის ამ გზით შეძენა.

გვაქვს უნიკალური ფუნქცია, რომ თუ ჯერ კიდევ არ იცი რომელი ნივთის საყიდლად გადაცვალო მთელი წლის განმავლობაში შეგროვებული PLUS ქულები, extra მომხმარებელს შესაძლებელობას აძლევს, რომ გაორმაგებული ქულები ბალანსზე შეინახოს და მოგვიანებით შეიძინოს ის ნივთი რომელიც მას სურის.

როგორ შეაფასებდით extra-ს პერსპექტივიდან 2025 წლის PLUS-ის დაბადების დღეს?

extra-სა და PLUS გუნდებს დიდი ხნის პარტნიორობა და მეგობრობა აკავშირებს. უნდა ავღნიშნოთ, რომ ესეთი დიდი კამპანიების დაგეგმვა და შემდეგ უკვე პროცესში მისი მართვა საკმაოდ დიდ შრომას, ენერგიას და ორივე გუნდის მაქსიმალურ ჩართულობას მოითხოვს. ქართულ რეალობაში არსებული გამოწვევების გათავალისწინებით წელს ერთ-ერთ საუკეთესო შედეგს მივაღწიეთ, რაც ორივე გუნდის თავდაუზოგავი მუშაობის შედეგია.

— extra-ს სტრატეგიული პროექტების დირექტორი, ანა ტაბატაძე.

ფოტო: extra.ge

ამ დღეს ყველა ელოდებოდა, განსაკუთრებული მოლოდინები იქნებოდა თავად საქართველოს ბანკშიც. როგორი იყო PLUS-ის რიგით მერვე დაბადების დღე?

წლევანდელმა PLUS-ის დაბადების დღემ ყოველგვარ მოლოდინს გადააჭარბა. ჯამურად, ამ დღეს 170 ათასამდე გადახდა შესრულდა PLUS ქულებით, რაც წარმოუდგენლად დიდი მასშტაბია.

გვიხარია, რომ ამ განსაკუთრებულ დღეს ჩვენს პარტნიორ კომპანიებთან ერთად ათი ათასობით ჩვენს ერთგულ მომხმარებელს სურვილების ასრულებაში დავეხმარეთ.

extra ერთ-ერთი მსხვილი ონლაინ პარტნიორია, როგორ აფასებთ გუნდში ამ კოლაბორაციას?

იმის გათვალისწინებით, რომ წლიდან წლამდე იზრდება ამ დღეს აქტივობა და მომხმარებლებს მაღაზიების საკმაოდ გრძელ რიგებში უწევთ დგომა, ჩვენთვის მნიშვნელოვანია, ბევრი ისეთი პარტნიორი კომპანია გვყავდეს, ვისთანაც შოპინგი ონლაინაც არის შესაძლებელი. extra ჩვენი ერთ-ერთ მსხვილი პარტნიორია, ჩვენ მთელი წლის განმავლობაში აქტიურად ვთანამშრომლობთ და PLUS-ის დაბადების დღეზეც extra განსაკუთრებული აქტიურობით გამოირჩევა. იმის გათვალისწინებით, რომ პროდუქტების საკმაოდ დიდი არჩევანია წარმოდგენილი, წლიდან წლამდე იზრდება იმ მომხმარებლების რაოდენობაც, რომლებიც შოპინგს კომფორტულად ონლაინ ამჯობინებენ და ამისთვის extra-ს პლატფორმას ირჩევენ.

როგორია ლოიალური მომხმარებლების უკუკავშირი?

მომხმარებლებისგან მიღებული უკუკავშირი ერთმნიშვნელოვნად პოზიტიურია — ბევრისთვის 5 ივლისი უკვე ტრადიციად იქცა და განსაკუთრებულად ელიან ამ დღეს ყოველ წელს, დიდი ხნით ადრე იწყებენ იმაზე ზრუნვას, რომ ამ დღეს ბევრი ქულით შეიარაღებულები შეხვდნენ - მთელი წლის განვალობაში აქტიურად იყებენენ ჩვენს ბარათებს და სარგებლობენ სხვადასხვა შეთავაზებით PLUS ქულების დასაგროვებლად.

— საქართველოს ბანკის ლოიალობის პროგრამის მართვის დეპარტამენტის დირექტორი, ქეთევან ბიჭიაშვილი.