კოალიცია ცვლილებებისთვის პატიმრობაში მყოფ ლიდერს, ზურაბ ჯაფარიძეს დედა გარდაეცვალა. ამის შესახებ ინფორმაცია ჟურნალისტმა ნანუკა ჟორჟოლიანმა გაავრცელა.

შეგახსენებთ, რომ მოსამართლე ჯვებე ნაჭყებიამ ზურაბ ჯაფარიძეს 7 თვით პატიმრობა მიუსაჯა და 2 წლით საჯარო სამსახურში თანამდებობის დაკავება აუკრძალა.

10 ივნისს საპატიმროდან გავრცელებულ წერილში ზურა ჯაფარიძე წერდა, რომ "დედაზე შიში ყველა სხვა შიშს ფარავდა".

ზურაბ ჯაფარიძე პოლიტიკური ნიშით დაკავებული მეოთხე ადამიანია, რომელსაც მშობელი პატიმრობაში ყოფნისას გარდაეცვალა: მიმდინარე წლის 4 იანვარს გურამ მირცხულავას მამა გარდაიცვალა, 14 იანვარს — გიორგი ახობაძის დედა, 26 ივნისს კი — ონისე ცხადაძის მამა.