მარნეულის სოფელ ზემო ყულარში არასრულწლოვანი, სავარაუდოდ, 50-ზე მეტი მიყენებული ჭრილობით იპოვეს. ინფორმაციას "რადიო მარნეული" ავრცელებს.

შემთხვევა 10 ივლისს მოხდა, თუმცა დაზარალებულთან დაახლოებული პირები "რადიო მარნეულს" უყვებიან, რომ ბავშვის პოვნა რამდენიმე საათის წინ მოხერხდა.

მოზარდი მარნეულის ერთ-ერთ კლინიკაშია გადაყვანილი და რეანიმაციაში იმყოფება.

შსს-ს ცნობით, დაკავებულია 1 პირი, გამოძიება სისხლის სამართლის კოდექსის 19-109-ე მუხლით მიმდინარეობს, რაც განზრახ დამამძიმებელ გარემოებებში მკვლელობის მცდელობას გულისხმობს.