სეულში მდებარე სამხრეთ კორეის სამხედრო დაზვერვის ინფორმაციით, ჩრდილოეთ კორეამ რუსეთს 12 მილიონზე მეტი 152 მმ-იანი საარტილერიო ჭურვი და დაახლოებით 28,000 კონტეინერი სამხედრო აღჭურვილობით უკვე მიაწოდა, რაც უკრაინაში რუსეთის ომის მხარდაჭერას ემსახურება. ამის შესახებ ინფორმაციას Yonhap სამხრეთ კორეის სამხედრო დაზვერვაზე დაყრდნობით ავრცელებს.

დაზვერვის ცნობით, 2024 წლის ოქტომბრიდან ჩრდილოეთ კორეამ მოსკოვს დაახლოებით 13,000 ჯარისკაცი გაუგზავნა, ხოლო დამატებითი ძალების, მათ შორის მშენებლებისა და საინჟინრო დანაყოფების, გაგზავნა ივლის-აგვისტოში იგეგმება.

ფხენიანი რუსეთის მოქმედებებს სრულ მხარდაჭერას აცხადებს, რაც ანალიტიკოსების შეფასებით, მოსკოვის მზარდ სამხედრო კრიზისზე მიუთითებს და აჩვენებს მის დამოკიდებულებას უცხოელი მოკავშირეების დახმარებაზე.

კიმ ჩენ ინმა განაცხადა, რომ ჩრდილოეთ კორეა "უპირობოდ" უჭერს მხარს რუსეთის ყველა ქმედებას უკრაინაში ომის დროს