პარტია გახარია საქართველოსთვის პოლიტიკური მდივანი, კახაბერ ქემოკლიძე "გავრილოვის ღამესთან" დაკავშირებული გამოძიების ფარგლებში რუსთაველის გამზირის გადაკეტვას სოციალურ ქსელში ეხმაურება.

მისი თქმით, "ჩორჩანას თემის" შემდეგ ეს გამოძიება არის გეგმა "ბ" და მისი შედეგები "გასაოცარი" იქნება.

"ჩორჩანას თემამ მთლად არ გაამართლა, გეგმა "ბ" ამუშავდა… ფისუნია კატა თხრის, თხრის და მგონი ისეთს გამოითხრის, რომ ბოლოში თავად გაოცდება", — დაწერა მან.

ცნობისთვის, 20 ივნისის, ე.წ. გავრილოვის ღამის საქმეზე გუშინ, 11 ივლისს რუსთაველის გამზირზე საგამოძიებო მოქმედებები მიმდინარეობდა. პოლიციამ ტერიტორია გადაკეტა. აღნიშნულთან დაკავშირებით განცხადება პროკურატურამ გაავრცელა სადაც ნათქვამია, რომ საგამოძიებო მოქმედებები სტრასბურგის სასამართლოს გადაწყვეტილების და რეკომენდაციების გათვალისწინებით მიმდინარეობდა.

ვრცლად იხილეთ: