რას წერს პროკურატურა ე.წ. ქოლცენტრების საქმეზე
პროკურატურა ეხმაურება ევროჯასტის მიერ დღეს გავრცელებულ განცხადებას, რამდენიმე ქვეყანაში, მათ შორის საქართველოში ჩატარებულ სპეციალურ ღონისძიებასთან დაკავშირებით.
რა წერია ევროჯასტის განცხადებაში: Eurojust-მა და Europol-მა მხარი დაუჭირეს ახალ კოორდინირებულ მოქმედებას თაღლითური ონლაინ საინვესტიციო პლატფორმის წინააღმდეგ, რომლის სამიზნე ევროპის სხვადასხვა ქვეყნის მინიმუმ 33 000 მოქალაქე გახდა, დაახლოებით 89 მილიონი ევროს დანაკარგით.
- გერმანიის ხელისუფლების მოთხოვნით, მარტში 5 ეჭვმიტანილი დააკავეს, ბულგარეთში, რუმინეთსა და ისრაელში კი 15 ლოკაცია გაჩხკირეს, მათ შორის ხუთი არალეგალური სატელეფონო ცენტრი.
- მათი თქმით, ეს ოპერაცია 2021 წელს ონლაინ თაღლითობის წინააღმდეგ დაწყებული გამოძიების გაგრძელებაა — თაღლითობის სქემა, სავარაუდოდ, 2019-დან 2021 წლამდე მოქმედებდა, 2021 წელს ოპერაციებში ეჭვმიტანილებმა ან მათმა თანამოაზრეებმა კი ახლახან შექმნეს ქოლ-ცენტრები ბულგარეთში და რუმინეთში.
რას ამბობს პროკურატურა: უწყების განმარტებით, საქართველოს ტერიტორიაზე ჩასატარებელი საგამოძიებო მოქმედებები, პროკურატურისა და გერმანიის ფედერაციული რესპუბლიკის სამართალდამცავი სტრუქტურების შესაბამის წარმომადგენლების ჩართულობითა და სისხლის სამართლის სფეროში თანამშრომლობის ევროკავშირის იუსტიციის ერთიანი ქსელის, ევროჯასტის მხარდაჭერით იგეგმებოდა.
-
კერძოდ ბულგარეთში, რუმინეთში, ისრაელში და საქართველოში, რის შედეგადაც სხვა ქვეყნის ტერიტორიაზე დაკავებულია, შესაძლო დანაშაულში მონაწილე 5 პირი.
- აქვე პროკურატურა იხსენებს, რომ ე.წ თაღლითური ქოლ-ცენტრების და ორგანიზებულ დანაშაულში მონაწილე პირთა გამოვლენის მიზნით, საქართველოს ტერიტორიაზე 2021 წლის ოქტომბერსა და 2022 წლის ნოემბერში ჩატარდა ღონისძიებები.
- რის შემდეგაც დააკავეს დანაშაულებრივი ორგანიზებული ჯგუფის ხელმძღვანელები და ათეულობით წევრი, სისხლისსამართლებრივი დევნა დაიწყო დანაშაულში მონაწილე იურიდიული პირების მიმართ.
რატომ არის მნიშვნელოვანი: ე.წ ქოლცენტრების ირგვლივ საქართველოში არაერთი წელია განხილვა მიდის, რა დროსაც ხშირად ჟღერდებოდა ბრალდებები ყოფილი თავდაცვის მინისტრისა და ფორმულას დამფუძნებლის, დავით კეზერაშვილის მიმართ.
- ეს საკითხი განსაკუთრებით გამწვავდა მას შემდეგ, რაც BBC-მ გამოძიება გამოაქვეყნა, რომლის მიხედვითაც თაღლითობის გლობალურმა ქსელმა მილიარდ დოლარზე მეტი მიითვისა.
- BBC Eye-მ დაადგინა ბიზნესმენების ქსელი, რომლებიც, გამოცემის ვარაუდით, ამ თაღლითურ ქსელს მართავს — მათი მტკიცებით, საქმეში ფიგურირებს ყოფილი თავდაცვის მინისტრი, დავით კეზერაშვილი.
- კეზერაშვილთან ინტერვიუს ჩაწერა BBC-მ ვერ შეძლო, მან გამოცემას ადვოკატების მეშვეობით განუცხადა, რომ კატეგორიულად უარყოფს რამე კავშირს მილტონის ჯგუფთან და თაღლითურ სქემებთან.
დეტალები: ნოემბერში, BBC Eye თან ახლდა გერმანიისა და საქართველოს პოლიციას თბილისში ქოლ-ცენტრის დარბევისას.
- გამოცემა აცხადებს, რომ თბილისის ოფისში შეღწევისას კომპიუტერების ეკრანზე ნახეს ბრიტანული ტელეფონის ნომრების მთელი წყება. ისინი გაესაუბრნენ რამდენიმე მათგანს, რომლებმაც დაადასტურეს, რომ ახლახან ჩადეს ფული საქმეში.
- ერთ-ერთ მაგიდაზე იპოვეს ჩანაწერების სია, შემდეგი დეტალებით: "სახლის პატრონი, არანაირი პასუხისმგებლობა"; "50 ათასი დანაზოგი"; "პოლონეთიდან, ბრიტანეთის მოქალაქე"; "50 ათასი აქციები."
გამოძიება: გამოძიებისას გამოააშკარავეს 152 ბრენდი, მათ შორის Milton Group, რომლებიც, როგორც ჩანს, თაღლითური ქსელის ნაწილია.
- BBC Eye-მ დაიწყო მილტონის ჯგუფის კორპორატიული დოკუმენტების შესწავლით და ჯგუფის კომპანიებს შორის გარკვეული კავშირები გამოავლინა.
- Milton-ის სავაჭრო პლატფორმების დირექტორებად ან მხარდამჭერი ტექნიკური კომპანიების სიაში 5 სახელი გამოიკვეთა — დავით თოდუა, რატი ჭელიძე, გურამ გოგეშვილი, იოსებ მგელაძე და მაიკლ ბენმინი.
- გამოცემის ვარაუდით, ამ კომპანიების უკან დგას დავით კეზერაშვილიც, მაგრამ არ არსებობს საჯაროდ ხელმისაწვდომი დოკუმენტები, რომლებიც კეზერაშვილს ქსელთან დააკავშირებს — თუმცა, მისი სახელი ფიგურირებს პანამას დოკუმენტებში, როგორც თაღლითურ ქსელთან დაკავშირებული კომპანიის ერთ-ერთი დამაარსებლის ან მეწილის.
- BBC-ის ცნობით, გამოცემას Milton-თან დაკავშირებული კომპანიების რამდენიმე ყოფილმა თანამშრომელმა კონფიდენციალურად უთხრა, რომ მათ ჰქონდათ პირდაპირი ურთიერთობა კეზერაშვილთან და იცოდნენ, რომ იგი Milton Group-ში იყო ჩართული.
რა თქვა კეზერაშვილმა: მან უარყო ყოველგვარი კავშირი ე.წ. ქოლ ცენტრებთამ და ხაზი გაუსვა, რომ BBC-თან ბევრი შეკითხვა აქვს და აპირებს გამოიყენოს სამართლებრივი ბერკეტები, რომ "მათი არასწორი ინტერპრეტაციის შედეგად მიღებული დაშვებების სიმცდარე დაადასტუროს".
- "ასევე ყოველთვის გამოვთქვამდი მზადყოფნას და დღესაც მზად ვარ, ე.წ. ქოლ ცენტრების თემაზე ევროპული ქვეყნების საგამოძიებო სტრუქტურებთან თანამშრომლობისთვის, მით უმეტეს, რომ ჩემი, როგორც პოლიტიკურ დევნილობაში მყოფი პირის, საცხოვრებელი ადგილი სწორედ დიდი ბრიტანეთია, რომლის მართლმსაჯულების სისტემის სანდოობაში ეჭვი არავის ეპარება", — დაწერა მან.
-
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები