რადიო ვარსკვლავი ჰოვარდ სტერნი თავის კოლეგასა და პოდკასტის — Call Her Daddy-ს წამყვან ალექს კუპერს იმდენად ვერ იტანს, რომ Sirius XM-ის თანამშრომლები ყველანაირად ცდილობენ, ისინი ერთმანეთს არ შეახვედრონ.

"ის სტერნს აწუხებს, ასობით მილიონ ნახვას აგროვებს, 125 მილიონ დოლარიანი ხელშეკრულება აქვს და ჰოვარდი ვერ იტანს, რომ ეს ახალგაზრდა, ენერგიული ქალი ამდენ ყურადღებას იქცევს", — ამბობს შიდა წყარო.

როცა ალექსი ნიუ-იორკშია, ცდილობენ ჰოვარდს მოარიდონ

30 წლის კუპერი ძირითადად ლოს-ანჯელესში მოღვაწეობს. მან 2024 წელს Spotify დატოვა და SiriusXM-ს შეუერთდა, მისმა პოპულარობამ და SiriusXM-ში ყოფნამ კი რადიოს ლეგენდა, 71 წლის ჰოვარდ სტერნი საკმაოდ შეაწუხა.

ფოტო: Spotify

ის, რომ რადიო იცვლება და მისი მომავალი ალექს კუპერის მსგავსი ახალგაზრდების ხელში გადადის, ჰოვარდ სტერნის თაობას ანერვიულებს.

იმის შესახებაც კი არის ვარაუდები, რომ სტერნმა შეიძლება კონტრაქტის დასრულების შემდეგ რადიოში მუშაობას თავი დაანებოს, რაც ამ წლის შემოდგომაზე მოხდება. თუმცა ჰოვარდი მაყურებლებს ჰპირდება, რომ დაბრუნდება.

ფოტო: SiriusXM

კუპერის პოპულარობა კი სულ უფრო მეტად იზრდება — ახალგაზრდა ქალს თითქმის ყველა აქტუალურ ფიგურასთან აქვს ინტერვიუ ჩაწერილი — ჩაპელ როუნიდან დაწყებული, კამალა ჰარისით დამთავრებული.

კამალა ჰარისი სტუმრად ალექსის პოდკასტში

კამალა ჰარისი სტუმრად ალექსის პოდკასტში

ფოტო: Call Her Daddy

2025 წლის ივნისში წამყვანმა ორნაწილიანი დოკუმენტური ფილმი გამოუშვა, რომელშიც მაყურებელს საკუთარ თავზე უყვება.

ფოტო: Hulu