ჯენიფერ ენისტონის თქმით, ყოფილ შეყვარებულებზე ერთმანეთში ცნობილი ადამიანებიც კი ჭორაობენ. Vanity Fair-თან ინტერვიუში დილის შოუს ვარსკვლავმა აღიარა, რომ, რა თქმა უნდა, ის და მისი დიდი ხნის მეგობარი, გვინეტ პელტროუ, კვლავ განიხილავენ თავიანთ საერთო ყოფილ შეყვარებულს — ბრედ პიტს.

ენისტონმა გაიხსენა ათწლეულების განმავლობაში მიმდინარე მეგობრობა პელტროუსთან, რომელიც მაშინ გაიცნო, როდესაც ოსკაროსანი მსახიობი მეგობრების თანავარსკვლავ დევიდ შვიმერთან ერთად მუშაობდა ფილმზე The Pallbearer. "საინტერესოა, რომ მე მისი და ბრედის ნიშნობის წვეულებაზეც კი ვიყავი", — ამბობს ენისტონი.

ფოტო: WireImage

როდესაც ენისტონს ჰკითხეს, საუბრობდნენ თუ არა ის და პელტროუ ოდესმე ბრედ პიტზე, მან ღიმილით დაადასტურა: "რა თქმა უნდა, ვსაუბრობთ. როგორ არ უნდა ვილაპარაკოთ? ჩვენ გოგოები ვართ".

გვინეთ პელტროუ და ბრედ პიტი ერთმანეთს 1995 წელს, დევიდ ფინჩერის საშინელებათა ფილმ შვიდის გადაღებებისას შეხვდნენ. ისინი 1996 წელს დაინიშნენ, თუმცა მათი ურთიერთობა ქორწილამდე, 1997 წელს დასრულდა. შეყვარებული შექსპირის ვარსკვლავი 2003-2016 წლებში დაქორწინებული იყო Coldplay-ის სოლისტზე, კრის მარტინზე, რომელთანაც ორი შვილი ჰყავს.

ფოტო: Getty Image

ჯენიფერ ენისტონს და პიტს ერთმანეთის გაცნობაში აგენტები დაეხმარნენ 1998 წელს. პიტმა ენისტონს ხელი სთხოვა 1999 წლის ნოემბერში, ხოლო მათი ქორწილი 2000 წლის ივლისში შედგა. მათი ურთიერთობა გაცილებით ხანგრძლივი აღმოჩნდა, ვიდრე პიტისა და პელტროუს რომანი.

ეს წყვილი 2005 წლის ოქტომბერში დაშორდა, მას შემდეგ, რაც პიტმა ანჯელინა ჯოლისთან ერთად ითამაშა ფილმში მისტერ და მისის სმიტები — მსახიობთან, რომელიც მოგვიანებით მისი მეუღლე გახდა.

ფოტო: Getty Images

ენისტონისა და პელტროუს მეგობრობამ ორივე ქალის რომანტიკულ ურთიერთობაზე დიდხანს გასტანა, რაც, როგორც აუტანელი ბოსების ვარსკვლავმა VF-ს განუცხადა, მას ხშირად ეხმარება.

"ჩვენ მუდმივად ვცვლით ერთმანეთში რჩევებს — "რას აკეთებ ამისთვის? რა შედეგი მოგცა? ახალი ექიმი იპოვე?“ — გაამხილა ენისტონმა.