შრეკის მეხუთე ნაწილი ჩვენგან ძალიან, ძალიან შორსაა, რადგან Universal-მა და კომპანია Dreamwork-მა ფილმის ახალი ნაწილის გამოსვლა 2027 წლამდე გადადო.

როგორც ცნობილია, შრეკის ახალი ფილმი 2026 წლის 23 დეკემბერს უნდა გამოსულიყო, თუმცა ახალახან გავრცელებული ინფორმაციის მიხედვით, შრეკი 5 დღის სინათლეს 2027 წლის 30 ივნისამდე ვერ ნახავს.

ფოტო: DreamWorks Animation

აღსანიშნავია, რომ ეს უკვე მეორე შემთხვევაა, როდესაც სტუდიამ ფილმის გამოსვლა გადადო. შრეკის მეხუთე ნაწილის თავდაპირველი გამოსვლის თარიღი 2026 წლის ივლისი იყო. სტუდიას, ჯერჯერობით, არ დაუსახელებია ფილმის გადადების მიზეზი.

ცნობისთვის, შრეკი 5-ის გუნდს ზენდეია შეუერთდა. მსახიობი შრეკისა და ფიონას ქალიშვილს გაახმოვანებს. ამასთანავე, როგორც ცნობილია, ფილმის ახალ ნაწილში ჩვენს საყვარელ პერსონაჟებს კვლავ მაიკ მაიერსი, ედი მერფი და კამერონ დიასი ითამაშებენ.

ფოტო: Paramount/Courtesy Everett Collection

შრეკი DreamWorks-ის ერთ-ერთი ყველაზე ცნობილი ანიმაციური ფრენჩაიზია, რომელიც უილიამ სტეიგის 1990 წლის წიგნის მიხედვითაა შექმნილი. ფრენჩაიზი 2001 წლის ფილმით დაიწყო, რომელმაც მაყურებელს შრეკი გააცნო, კაციჭამია, რომელსაც პრინცესა ფიონას გადარჩენა მოუწევს. პირველმა ნაწილმა მაყურებლის დიდი სიყვარული და სტუდიისთვის 500 მილიონ დოლარიანი შემოსავალი მოიპოვა. ფილმი ასევე გახდა პირველი ოსკარის მფლობელი ანიმაციური ფილმების კატეგორიაში.

შრეკის ახალი ნაწილის გამოსვლამდე ნამდვილად დიდი დროა, თუმცა ამ დროის განმავლობაში კიდევ ერთხელ შეგვიძლია გადავავლოთ თვალი შრეკის ფრენჩაიზს და მოუთმენლად დაველოდოთ ახალ ფილმს.

ნახეთ შრეკის მეხუთე ნაწილის თიზერი: