"ეს ორი [ფაშინიანი და ალიევი] შესანიშნავი ადამიანი და დიდი ლიდერია. ისინი ახლა ჩემი კარგი მეგობრები არიან!", — წერს აშშ-ს პრეზიდენტი დონალდ ტრამპი სოციალურ ქსელში და ნიკოლ ფაშინიანთან და ილჰამ ალიევთან ერთად თეთრს სახლში გადაღებულ ფოტოებს აქვეყნებს.

"დიდი პატივია სომხეთის პრემიერმინისტრთან, ნიკოლ ფაშინიანთან და აზერბაიჯანის პრეზიდენტთან, ილჰამ ალიევთან ერთად ყოფნა, როდესაც ათწლეულების ომისა და სიკვდილის შემდეგ სამშვიდობო ხელშეკრულებას ვაწერთ ხელს. ეს ორი [ფაშინიანი და ალიევი] შესანიშნავი ადამიანი და დიდი ლიდერია. ისინი ახლა ჩემი კარგი მეგობრები არიან!", — წერს აშშ-ს პრეზიდენტი დონალდ ტრამპი სოციალურ ქსელში.

დონალდ ტრამპი, ილჰამ ალიევი და ნიკოლ ფაშინიანი

დონალდ ტრამპი, ილჰამ ალიევი და ნიკოლ ფაშინიანი

ტრამპი

ფოტო: დონალდ ტრამპი

შეგახსენებთ, რომ შეერთებული შტატების, სომხეთისა და აზერბაიჯანის ლიდერებმა რვა აგვისტოს ხელი მოაწერეს რამდენიმე შეთანხმებას სამხრეთ კავკასიაში გრძელვადიანი მშვიდობის დამყარების მიზნით.

"დიდი ხანი, 35 წლის განმავლობაში ომობდნენ, ახლა კი მეგობრები არიან. და მეგობრები იქნებიან დიდი ხნის განმავლობაში", — განაცხადა დონალდ ტრამპმა ხელმოწერის ცერემონიალზე.

ტრამპმა ასევე განაცხადა, რომ ერთ-ერთი შეთანხმების დასახელება, — "ტრამპის მარშრუტს საერთაშორისო მშვიდობისა და კეთილდღეობისათვის" — მისი ინიციატივა არ ყოფილა და მხარეებმა შესთავაზეს, რისთვისაც მადლიერება გამოთქვა.

აზერბაიჯანის პრეზიდენტმა ილჰამ ალიევმა განაცხადა, რომ აზერბაიჯანი და აშშ ხდებიან სტრატეგიული პარტნიორები, რასაც მან ისტორიული დღე უწოდა; ამას გარდა, ტრამპმა უკვე მოაწერა ხელი "თავისუფლების მხარდამჭერი აქტის" 907-ე სექციის გაუქმებას. ეს ჩანაწერი კრძალავდა შტატების მთავრობის მიერ აზერბაიჯანის მთავრობის დახმარებას.