ყოფილი ტელეწამყვანი და ღიად ქართული ოცნების მხარდამჭერი სალომე გოგიაშვილი ყოფილ მოდელს, ლიკა შენგელიას ცივი იარაღის — ჩაქუჩის ჩარტყმის ბრალდების გამო ცილისწამებაში ადანაშაულებს და ამბობს, რომ სასამართლოში უჩივლებს.

გო­გი­აშ­ვი­ლის თქმით, შენგელიას ბრალდებები "აბსურდია" და სასამართლოში წარადგენს ვიდეო და აუდიო მასალას, რომლითაც თავის სიმართლეს დაამტკიცებს.

"რა­ხან ასე­თი ბრალ­დე­ბე­ბი ის­მის ჩემ წი­ნა­აღ­მდეგ და აქ უკვე სის­ხლის სა­მარ­თა­ლი ერ­თვე­ბა და ის ბრალს მდებს, რომ მე ცივი ია­რა­ღით ვი­თომ მი­ვუ­ვარ­დი და გან­ზრახ ვა­პი­რებ­დი მის არა­მარ­ტო სხე­უ­ლის და­ზი­ა­ნე­ბას, შე­იძ­ლე­ბა სი­ცო­ცხლის მოს­პო­ბი­თაც ვე­მუქ­რე­ბო­დი, არ ვიცი, მისი ფან­ტა­ზია სა­დამ­დე წაგ­ვიყ­ვანს, მი­ნი­მუმ უნდა არ­სე­ბობ­დეს ექ­სპერ­ტი­ზის ცნო­ბა და ეს მას უკვე უნდა ჰქონ­დეს, რომ ჩვენ ყვე­ლას დაგ­ვიმ­ტკი­ცოს, რომ მე მარ­თლა მას ავუ­ვარ­დი ცივი ია­რა­ღით. თუმ­ცა, ნუ, რა თქმა უნდა, ეს არის აბ­სურ­დი და ყვე­ლა ის სი­ტყვა, რაც იქ წე­რია. ღმერ­თს მად­ლო­ბა, რომ ყვე­ლა­ფე­რი ჩა­წე­რი­ლი მაქვს, აბ­სო­ლუ­ტუ­რად ყვე­ლა­ფე­რი, თუკი რა­მეს ის წერს რომ ასე არ იყო, ყვე­ლა­ფე­რი მაქვს...

გა­დავ­წყვი­ტე, ეს ცი­ლის­წა­მე­ბა თა­ვი­დან ავი­რი­დო, ჩემს შვი­ლებს ავა­რი­დო ეს სა­ზი­ზღა­რი ბრალ­დე­ბე­ბი ჩემ­თან მი­მარ­თე­ბა­ში. გა­დავ­წყვი­ტე, რომ მივ­მარ­თო სა­სა­მარ­თლოს, შე­სა­ბა­მი­სად, ძა­ლი­ან მალე ჩა­ი­ნიშ­ნე­ბა სა­სა­მარ­თლო პრო­ცე­სი, სა­დაც თქვენ შეძ­ლებთ, რომ მოხ­ვი­დეთ იმი­ტომ რომ სა­სა­მარ­თლო ღიაა ყვე­ლას­თვის, მოხ­ვი­დეთ და ნა­ხოთ ყვე­ლა ის კად­რი რაც გა­და­ღე­ბუ­ლი მაქვს, მო­ის­მი­ნოთ ყვე­ლა ის აუ­დი­ო­ჩა­ნა­წე­რი რაც ჩა­წე­რი­ლია, და და­მი­ჯე­რეთ, ერ­თა­დერ­თი მი­ზე­ზი რა­ტო­მაც არ ვა­სა­ჯა­რო­ებ ახლა მე ამ ყვე­ლა­ფერს, ეს არის ჩემი შვი­ლე­ბის ინ­ტე­რე­სი... ამას უკვე არ გა­ვუ­ტა­რებ, რომ მე მაბ­რა­ლებს ამ ყვე­ლა­ფერს, რაც თა­ვის პოს­ტში უწე­რია", — ამბობს გოგიაშვილი ვიდეომიმართვაში, რომელიც სოციალურ ქსელში გაავრცელა.

მანამდე სალომე გოგიაშვილმა სოციალურ ქსელში დაწერა, რომ "სხვის ქმარზე ნადირობა სულიერი სიღარიბის მანიშნებელია! ვინც სხვის ტკივილზე ბედნიერებას აშენებს, ის თვითონ იქცევა წარსულად ღვთის წინაშე".

მას სოციალურ ქსელში გამოეხმაურა ლიკა შენგელია. შენგელია ვრცელ პოსტში წერს, რომ გოგიაშვილი ეჭვიანობის ნიადაგზე მიუვარდა და მასზე ჩაქუჩით ფიზიკურად იძალადა და დაზიანებები მიაყენა. ის ამ, სავარაუდო, თავდასხმისა და დაზიანების ფოტოებსაც აქვეყნებს.

მას შემდეგ, რაც გოგიაშვილმა განაცხადა, რომ შენგელიას სასამართლოში უჩივლებს, ლიკა შენგელიამ სოციალურ ქსელში დაწერა, რომ "კარგად ჰქონდა გაცნობიერებული რომ მოედავებოდნენ ცილისწამებაზე, რადგანაც ნამდვილად არ აქვს ხელმოსაკიდი მტკიცებულება იმაზე, რაც მთელმა ქალაქმა ისედაც იცის".