24 აპრილის მდგომარეობით მსოფლიოში

• დადასტურებული შემთხვევა — 2 801 649;
• გარდაცვლილი — 195 253;
• გამოჯანმრთელებული — 775 988.

მდგომარეობა საქართველოში

• დადასტურებული შემთხვევა — 444;
• გამოჯანმრთელებული — 132;
• გარდაცვლილი — 5;
• კარანტინის რეჟიმში — 4949;
• სტაციონარში — 555;
• უცხოეთიდან სამკურნალოდ გადმოყვანილი საქართველოს მოქალაქეები — 3.

დღის ფაქტი

აშშ-ში კორონავირუსით გარდაცვლილთა რიცხვმა 50 000-ს გადააჭარბა

ამერიკის შეერთებულ შტატებში კორონავირუსით გარდაცვლილთა რიცხვმა 50 ათასს გადააჭარბა. ამ მაჩვენებლით ქვეყანა მსოფლიოში უკვე პირველ ადგილზეა.

მიუხედავად იმისა, რომ აშშ-ში მოსახლეობის რაოდენობა 330 მილიონს შეადგენს, სიკვდილიანობის მაჩვენებელი სხვა ვირუსისგან დაზიანებულ ქვეყნებთან, იტალიასა და ესპანეთთან შედარებით მაღალია.

დღის ფოტო: ჯანდაცვის სფეროში დასაქმებული მამა შვილს სოციალური დისტანციის დაცვით, კარებს მიღმა მდგომი ელაპარაკება

დღის მთავარი ჰედლაინი მსოფლიოში

ტრამპს აინტერესებს, სადეზინფექციო ხსნარის ორგანიზმში შეყვანით გაქრება თუ არა COVID-19

აშშ-ს პრეზიდენტი დონალდ ტრამპი სამედიცინო სფეროს კრიტიკის ობიექტი გახდა მას შემდეგ, რაც კორონავირუსის მკურნალობის ერთ-ერთ ხერხად ორგანიზმში სადეზინფექციო ხსნარის შეყვანა და მოქალაქეთა ულტრაიისფერად დასხივება დაასახელა. მეცნიერულად დამტკიცებულია, რომ სადეზინფექციო ხსნარები საშიშია და ორგანიზმში მოხვედრის შემთხვევაში მომწამვლელი შეიძლება გახდეს.

23 აპრილს თეთრ სახლში ეროვნული უსაფრთხოების დეპარტამენტმა წარადგინა კვლევა, რომლის მიხედვითაც კორონავირუსი მზეზე და სითბოში ადვილად კვდება. გარდა ამისა, კვლევამ აჩვენა, რომ სადეზინფექციო ხსნარები ვირუსს ადვილად კლავენ.

"როგორც დავინახე, დეზინფექცია ვირუსს ერთ წუთში კლავს. ერთ წუთში. არის რაიმე გზა იმისათვის, რომ რაიმე მსგავსი გაკეთდეს ინიექციის შეყვანით ან თითქმის წმენდით?", — აღნიშნა ტრამპმა.

რა ხდება მსოფლიოში

მსოფლიოს მთავარ სადარდებლად ისევ Covid-19-ის სამკურნალო ვაქცინის ან წამლის შექმნა რჩება.

დღეს, WHO-ს ვებგვერდზე შემთხვევით გამოქვეყნდა კვლევის შედეგები, რომელიც მალევე წაიშალა, თუმცა მედიებმა გადმოწერა მოასწრეს და გაავრცელეს ინფორმაცია, რომ რემდესივერი კორონავირუსის სამკურნალოდ ეფექტური არ არის. კორონავირუსის საცდელ მედიკამენტებს შორის მეცნიერები ყველაზე დიდ იმედს ამყარებენ მასზე ამყარებდნენ.

დოკუმენტებში ნათქვამი იყო, რომ წამალი პაციენტების მდგომარეობას და სისხლში ვირუსის შემცველობის მაჩვენებელს ვერ აუმჯობესებდა. მედიკამენტის მწარმოებელმა Gilead Sciences-მა განაცხადა, რომ დოკუმენტი კვლევას არასწორად ახასიათებდა.

სხვა მნიშვნელოვანი სიახლეები:

• დიდ ბრიტანეთში პირველ მოხალისეს ვაქცინა გაუკეთეს;
• საუდის არაბეთი იემენთან ცეცხლს ერთი თვით წყვეტს, მიზეზად კი კორონავირუსის გავრცელების პრევენციას ასახელებს;
• კორონავირუსთან საბრძოლველად ევროკავშირი $8 მილიარდს გამოყოფს;
• შვედეთში დღეს ინფიცირების 812 შემთხვევა დაფიქსირდა, რაც ქვეყანაში ყოველდღიური ზრდის მაქსიმალური მაჩვენებელია;
• დიდ ბრიტანეთში კორონავირუსთან საბრძოლველად ვაქცინის გლობალური სამიტი დაიგეგმა, რომელიც 4 ივნისს გაიმართება;
• აშშ ინდონეზიას, ეკვადორსა და სალვადორს სასუნთქ აპარატებს გადასცემს;
• საფრანგეთში კაფეებისა და რესტორნების გახსნას მაისის ბოლომდე არ განიხილავენ;
• მუსლიმანური სამყაროს ნაწილი რამადანს ხალხმრავლობაში, ნაწილი კი იზოლაციაში შეხვდა;
• დიდი ბრიტანეთის მთავრობა მედიკამენტების მისატანად დრონების გამოყენებას აპირებს;
• თვითიზოლაციაში მყოფმა შაკირამ პენსილვანიის უნივერსიტეტის ონლაინ კურსი დახურა

დღის მთავარი ჰედლაინი ქართულ მედიაში

ეროვნული გამოცდები ჩატარდება, მაგრამ, შესაძლოა, გადავადდეს

კორონავირუსის გავრცლეების გამო, არსებობდა მოსაზრება, რომ ეროვნული გამოცდები გადაიდებოდა; თუმცა პრემიერ-მინისტრის, გიორგი გახარიას განცხადებით, გამოცდები ჩატარდება, თან იგივე ფორმატით, როგორც აქამდე. მისი თქმით, შესაძლოა, შეიცვალოს თარიღი.

რა ხდება საქართველოში

საქართველოში დღეს ინფიცირებულთა რაოდენობა 13-ით, გამოჯანმრთელებულთა კი 18-ით გაიზარდა.

დღეს მთავარ განსახილველ თემად ანტიკრიზისული გეგმა იქცა, რომელსაც მთავრობა ეფექტურს, ოპოზიცია კი უსარგებლოსა და დაგვიანებულს უწოდებს. ანტიკრიზისული გეგმა ითვალისწინებს სამსახურის გარეშე დარჩენილი მოქალაქეების, სოციალურად დაუცველების, პენსიონერების, მეწარმეებისა და ფერმერების ერთჯერად ან მრავალჯერად დახმარებას.

• ვის დახმარებას გეგმავს მთავრობა, როგორ აპირებს ამას და რა დაუჯდება — ანტიკრიზისული გეგმა სრულად

ანტიკრიზისული გეგმით გათვალისწინებულია ქვეყანაში შეზღუდვების მოხსნა და ეკონომიკის ამუშავებაც. ეს ნაწილი მთავრობას 6 ეტაპად აქვს დაყოფილი და მათ შორის 2-კვირიანი შეუალედია. მაგალითად: მანქანებისა და ტაქსების მოძრაობა 27 აპრილიდან აღდგება; სილამაზის სალონები და ესთეტიკური ცენტრები კი, სავარაუდოდ, ივნისში ამუშავდება.

• როგორ გაიხსნება ეკონომიკური საქმიანობები საქართველოში

რას ფიქრობს ოპოზიცია ანტიკრიზისულ გეგმაზე:

• ეს არის გეგმა, როგორ მოვიგოთ ბიუჯეტზე დამოკიდებული ადამიანის გული — ჯაფარიძე
• მათი ამოცანაა შეინარჩუნონ ხელისუფლება, ამიტომ დახმარება არჩევნებამდეა გაწელილი — ვაშაძე
• ბოკერია: დაგვიანებული, ზედაპირული და ბუნდოვანი პრეზენტაცია მოვისმინეთ გახარიასგან

ერთად თავმოყრილი რეკომენდაციები

• ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად

• Ի՞նչ է նոր կորոնավիրուսը — რეკომენდაციები კორონავირუსის პრევენციისთვის სომხურ ენაზე
• Yeni koronavirus nədir? — რეკომენდაციები კორონავირუსის პრევენციისთვის აზერბაიჯანულ ენაზე

• ჯანდაცვის სამინისტროს რეკომენდაციები ჟურნალისტებისთვის

• რეკომენდაციები თვითიზოლაციაში მყოფი პირებისთვის

• როგორ უნდა გაიკეთოთ, გამოიყენოთ და გადააგდოთ ნიღაბი

• როგორ დავიბანოთ ხელები სწორად კორონავირუსისგან დასაცავად

• როგორ ვიზრუნოთ ფსიქიკურ ჯანმრთელობაზე კორონავირუსის დროს

ნახეთ წინა შეჯამებები:

• "სამკურნალო პროტესტი" თბილისში და 26 მილიონზე მეტი უმუშევარი აშშ-ში — 23 აპრილის შეჯამება
• საგანგებო მდგომარეობა ანტიკრიზისული გეგმის გარეშე და მოსახლეობის აქცია საკარანტინე ზონაში — 22 აპრილის შეჯამება
• ივანიშვილი TikTok-ზე და 22 მაისამდე გახანგრძლივებული საგანგებო მდგომარეობა — 21 აპრილის შეჯამება
• საქართველო პიკის მოლოდინში და ამერიკული ნავთობის უარყოფითი ნიშნული — 20 აპრილის შეჯამება
• აღდგომა იზოლაციაში და მსოფლიო ჩვეული ცხოვრების დაბრუნების მცდელობაში — 19 აპრილის შეჯამება;