დავით მათიკაშვილი: "ყველაფერს გავაკეთებთ, რომ BBC-ის ქართველი ხალხის წინაშე ბოდიშის მოხდა დაევალოს"

5 Dec. 2025, 16:10

დავით მათიკაშვილი: "ჩვენ მოვისმინეთ ქართული სამედიცინო საზოგადოების შეხედულება იმ დასკვნებზე, რომელიც BBC-ზე იყო გაშუქებული და ვერანაირ კრიტიკას ვერ უძლებს ის მტკნარი სიცრუე, რომელიც აქ, თითქოს, სამედიცინო სექტორთან დაკავშირებული რადიკალების მიერ ჩატარებული კვლევებით, ვითომ, დადგინდა. ჩვენ ვართ 9 აპრილის მომსწრე, ჩვენ ძალიან კარგად ვიცით, რას ნიშნავს ქიმიური ნივთიერებების გამოყენება დიდ მასაში. ჩვენ ზუსტად ვიცით, რომ მსგავსი ქმედების ფონზე საავადმყოფოები ივსება პაციენტებით.

ჩვენ ზუსტად ვიცით, რომ ამგვარი ქმედება იწვევს ადამიანის ჯანმრთელობის სერიოზულ დაზიანებას და ეს დაზიანება აუცილებლად აისახება სტატისტიკაზე იმ თვალსაზრისით, რომ სამედიცინო სექტორთან მიმართვიანობა იქნებოდა აუცილებლად გახშირებული. ტოქსიკური მოწამვლის არც ერთი შემთხვევა არ ყოფილა იმ აქციების შემდეგ მიმართვიანობის თვალსაზრისით. ცალსახად და ერთმნიშვნელოვნად შეგვიძლია ვთქვათ, ეს არის მზაკვრული გეგმის ნაწილი, რომ ჩვენი ქვეყანა პროქსი საშუალებად გამოიყენონ, ჩვენი ხალხი გამტარად გამოიყენონ იმ გეგმებისთვის, რაზეც პრაქტიკულად, უკვე დაუფარავად საუბრობენ.

ჩვენ ყველაფერს გავაკეთებთ როგორც ქვეყნის შიგნით, ასევე მის ფარგლებს გარეთ იმისთვის, რომ მოხდეს BBC-ის რეპორტაჟში არსებული ფაქტების პირდაპირ უარყოფა და BBC-ის აუცილებლად დაევალოს ქართველი ხალხის წინაშე ბოდიშის მოხდა იმ დიდი სიცრუისთვის და მზაკვრობისთვის, რომელიც მის მიერ გაშუქებულ რეპორტაჟში იყო".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

გია ხუხაშვილი: პრემიერობის დაისი მოახლოებულია, დასაშვებია, რომ ახალი პრემიერი მარიამ ქვრივიშვილი იყოს