აშშ-ს პრეზიდენტი დონალდ ტრამპი სამედიცინო სფეროს კრიტიკის ობიექტი გახდა მას შემდეგ, რაც კორონავირუსის მკურნალობის ერთ-ერთ ხერხად ორგანიზმში სადეზინფექციო ხსნარის შეყვანა დაასახელა. მეცნიერულად დამტკიცებულია, რომ სადეზინფექციო ხსნარები საშიშია და ორგანიზმში მოხვედრის შემთხვევაში მომწამვლელიც კი შეიძლება გახდეს. არა თუ ორგანიზმში მოხვედრა, გარეგანი მოხმარებაც კი კანისთვისა და თვალებისთვის საშიშია.

სადეზინფექციო ხსნარების გარდა, პრეზიდენტმა ტრამპმა ასევე მოქალაქეების ულტრაიისფერი შუქით დასხივებაზეც ისაუბრა.

23 აპრილს თეთრ სახლში ეროვნული უსაფრთხოების დეპარტამენტმა წარადგინა კვლევა, რომლის მიხედვითაც კორონავირუსი მზეზე და სითბოში ადვილად კვდება. გარდა ამისა, კვლევამ აჩვენა, რომ სადეზინფექციო ხსნარები ვირუსს ადვილად კლავენ.

კვლევის შედეგების შესახებ თეთრ სახლში ვილიამ ბრაიანმა ისაუბრა, რომელიც დეპარტამენტში ტექნიკური და სამეცნიერო მიმართულების ხელმძღვანელია. მის შემდეგ ტრამპმა თავისი მოსაზრებები წარმოადგინა.

მან ისაუბრა რამდენადაა შესაძლებელია, რომ "სინათლე ადამიანის სხეულში გადაიტანონ", მათ შორის დასხივებით.

"როგორც დავინახე, დეზინფექცია ვირუსს ერთ წუთში კლავს. ერთ წუთში. არის რაიმე გზა იმისათვის, რომ რაიმე მსგავსი გაკეთდეს ინიექციის შეყვანით ან თითქმის წმენდით?", — აღნიშნა ტრამპმა.

BBC-ის ინფორმაციით, დონალდ ტრამპის აღნიშნული განცხადების გამო ექიმები შეშფოთდნენ.

"როგორც ექიმს არ შემიძლია, კორონავირუსის მკურნალობისთვის რეკომენდაცია გავუწიო ფილტვებში სადეზინფექციო ხსნარების შეყვანას ან სხეულის ულტრაიისფერი სხივებით დასხივებას. არ მიიღოთ ტრამპისგან სამედიცინო რჩევა", — განაცხადა ექიმმა კაშიფ მაჰმუდმა.

აშშ-ში კორონავირუსით 869 ათასზე მეტი ადამიანის ინფიცირებული. COVID-19-ის შედეგად 50 ათასამდე ადამიანი გარდაიცვალა.