აზერბაიჯანელი სატვირთო მანქანების მძღოლები ქართველი საბაჟოს თანამშრომლების უხეშობაზე ჩივიან და ამბობენ, რომ მათი გადაადგილება ხელოვნურად ჭიანურდება. ამის შესახებ აზერბაიჯანული მედია წერს.

აზერბაიჯანული ტელევიზიის რეპორტაჟში ერთ-ერთი მძღოლი პარვინ ჰასანოვი ამბობს, რომ ის 21 დღის განმავლობაში იყო "გაჭედილი" თბილისის საბაჟოზე, დოკუმენტები წესრიგში ჰქონდა, მაგრამ ხელოვნურად აბრკოლებდნენ. სხვა მძღოლები საუბრობენ მებაჟეებისა და პოლიციის მხრიდან უხეშობასა.

აზერბაიჯანული მედია წერს, რომ ქართული მხარის და ქართველი მესაზღვრეების გაღიზიანების მიზეზი შესაძლოა "ზანზეგურის დერეფანი" იყოს.

"თბილისს ხედავს, რომ რეგიონის ლოგისტიკური რეალობა იცვლება და რომ ზანგეზურის მარშრუტი აღარ განიხილება, როგორც შორეული პერსპექტივა. ის ნამდვილად შენდება, ხდება ახალი ინფრასტრუქტურის ნაწილი, რომელიც ადრე თუ გვიან შეცვლის ნაცნობ ბალანსს. რეგიონულ ლოჯისტიკაში საქართველოს ათწლეულების განმავლობაში არსებული მონოპოლიის ფონზე, თბილისელები ალტერნატიული მარშრუტის შესაძლებლობასაც კი მგრძნობიარედ აღიქვამენ. პარადოქსი ის არის, რომ ზანგეზურის მარშრუტს აქვს რეგიონის ყველა ქვეყნის, მათ შორის თავად საქართველოს ეკონომიკის გაძლიერების პოტენციალი. ის აფართოებს ქსელს და არა ცვლის მას. თუმცა, ეს ლოგიკა ყველა დონეზე არ მუშაობს და იქ, სადაც გათვლები უნდა ჭარბობდეს, ზოგჯერ ემოციური შური ჭარბობს. ეს ფაქტორი განსაკუთრებით შესამჩნევი ხდება მაშინ, როდესაც ქართველი ჩინოვნიკები მძღოლებს ურჩევენ "ზანზეგურით იარონ".

..."იარეთ ზანგეზური. როდის იქნება მზად თქვენი ზანგეზურის დერეფანი?" ეს სიტყვები ხუმრობაზე უფრო მეტად ცუდად შენიღბულ გაღიზიანებას ჰგავდა", — წერს აზერბაიჯანული გამოცემა.

გამოცემა წერს, რომ "ამ ყველა ამ მოვლენის ფონზე, აზერბაიჯანის პოზიცია მშვიდი და თანმიმდევრულია. მრავალი წლის განმავლობაში, საქართველო ჩვენი ქვეყნის მიერ იყო და კვლავაც განიხილება, როგორც პარტნიორი, რომელთანაც ბაქომ ნდობის, ურთიერთდახმარების და გახსნილობის ურთიერთობა დაამყარა. აზერბაიჯანს არასდროს უთქვამს უარი საქართველოს მხარდაჭერაზე, განსაკუთრებით გაჭირვების პერიოდებშიც კი. ამიტომ, აზერბაიჯანელი სატვირთო მანქანების მძღოლებთან დაკავშირებული ამჟამინდელი სიტუაცია, გასაგები მიზეზების გამო, ჩვენს საზოგადოებაში დაბნეულობას იწვევს. სტაბილური თანამშრომლობის უპირატესობებით სარგებლობის მქონე ქვეყნიდან მოსალოდნელია, რომ მინიმუმ პატივს სცემს იმ აზერბაიჯანელი მოქალაქეების უფლებებს, რომლებიც თავიანთ სამუშაოს ასრულებენ და უზრუნველყოფენ ვაჭრობას, რომელიც არა მხოლოდ აზერბაიჯანისთვის, არამედ თავად საქართველოსთვისაც სასარგებლოა", — წერია სტატიაში.

ქართულ მხარეს აღნიშნულ ფაქტთან დაკავშირებით კომენტარი ჯერ არ გაუკეთებია.

სტატია განახლდება.