დაავადებათა კონტროლის ცენტრის ცხელი ხაზი 116 001

კორონავირუსის ისევე, როგორც ნებისმიერი სხვა ვირუსული ინფექციის გავრცელების დროს, მნიშვნელოვანია ჰიგიენისა და თავდაცვის საშუალებების გამოყენების წესების დაცვა. ჯანდაცვის მსოფლიო ორგანიზაცია და დაავადებათა კონტროლის ცენტრი ავრცელებენ რეკომენდაციებს, თუ როდის და როგორ მოვიხმაროთ სამედიცინო ნიღაბი.

ნიღბის გაკეთებამდე დაიბანეთ ხელები საპნითა და წყლით, ან დაიმუშავეთ სპირტისშემცველი ხსნარით

ნიღაბი უნდა ფარავდეს ცხვირისა და პირის მიდამოებს და სახეზე მჭიდროდ უნდა იყოს მორგებული

მოხმარებისას არ შეეხოთ ნიღაბს, შეხების შემთხვევაში კი დაიბანეთ ან დაიმუშავეთ ხელები

დაბინძურებისთანავე შეცვალეთ ნიღაბი ახლით და არ ისარგებლოთ გამოყენებული ნიღაბით განმეორებით!

ნიღბის მოხსნისას არ შეეხოთ წინა ნაწილს. მოხსნისთანავე გადააგდეთ დახურული ნაგვის ურნაში და დაიბანეთ ან დაიმუშავეთ ხელები

გარდა ამისა, შეგიძლიათ გაეცნოთ დაავადებათა კონტროლის ცენტრის რჩევებს პირბადისა და სხვა სამედიცინო აღჭურვილობის გამოყენების შესახებ სამედიცინო პერსონალისთვის.

გაიგეთ მეტი კორონავირუსის პრევენციის შესახებ: