საგურამოში "მათე მოტორსის" მფლობელის, ცნობილი ტიკ-ტოკრტისმ გელა ბარკალაიას აგარაკი გაძარცვეს.

გელა ბარკალაია "ტვ პირველთან" სატელეფონო ინტერვიუში ამბობს, რომ საგურამოში მის აგარაკზე 2 მძარცველი შეიჭრა, სადაც მისივე თქმით, დაცვა და მოურავები იმყოფებოდნენ. ბარკალაია აცხადებს, რომ ისინი ნაცემები არიან.

"საგურამოში ჩვენი "დაჩააა" და დაცვა. მოურავები იყვნენ, შეიჭრნენ, ისე სცემეს, შეიძლება გადაარჩინონ, შეიძლება არა. დაცვა და მოურავია ნაცემ. ...გამოძიება მიმდინარეობს. დაკითხვაზე ჯერ არ დავუბარებივარ. 2 ადამიანია დაკავებული", — ამბობს ბარკალაია "ტვ პირველთან" საუბრისას.

"ტვ პირველის" ცნობით, ერთ-ერთ მათგანს, 79 წლის პენსიონერს ცემისგან მძიმე დაზიანებები აქვს და კლინიკაშია გადაყვანილი.

ბიზნესმენი დაკითხვაზე ჯერ არ დაუბარებიათ.