ოცნების ხელისუფლების ჯანდაცვის მინისტრის, მიხეილ სარჯველაძის განცახდებით, 2024 წლის აქციაზე დემონსტრანტების დაშლისას მიღებული დაზიანებები საგანგაშო არ არის და "კანონსაწინააღმდეგო" აქციის დროს პოლიციას უფლება აქვს რესპირატორული სისტემის გამაღიზიანებელი ნივთიერების გამოყენების.

შემდეგ სარჯევლაძემ განაცხადა, რომ აქციის დროს რესპირატორული პრობლემებით "მხოლოდ ათეულმა ტიპმა" მიმართა. შემდეგ დასძინა, რომ "სამედიცინო პერსონალი მზად არიან, რომ ინდივიდუალური შეფასებები გააკეთონ" მოწამვლის შემთხვევებთან დაკავშირებით.

"ის მონაცემები, რომელიც ვრცელდება, რომლებზე დაყრდნობითაც ადამიანები არასწორ დასკვნებს აკეთებენ იმასთან დაკავშირებით, რომ თითქოსდა, ვითარება არის საგანგაშო, ან ისეთი, რომელიც იმსახურებს ისეთ ყურადღებას, რომ აუცილებელია რომელიმე ჩაერთოს, შეისწავლოს, გამოიკვლიოს, რაღაცა დასკვნები გააკეთოს, ეს არის უსაფუძვლო და მცდარი. ჩახუნაშვილების დასკვნაშია აღწერილი, რომ მრავალათასიანი მიტინგის დროს მოხდა ამის გამოფრქვევაო და აღმოჩნდა, რომ რესპირატორული პრობლემებით მიმართა სასწრაფოს სულ რამდენიმე ათეულმა ადამიანმა. ინდივიდუალურ შემთხვევაში თუ ვინმეს აქვს რამე საჭიროება, რომ გამოკვლეულ იქნეს დიახ, სამედიცინო პერსონალი მზად არიან, რომ ინდივიდუალური შეფასებები გააკეთონ, მაგრამ რაიმე საგანგაშო მონაცემი, რომელზე დაყრდნობითაც ვინმეს უნდა პანიკა აეტეხა და ვინმეს ეთქვა, რომ აქ ქიმიურ იმაზე ეჭვი უნდა მივიტანოთ და ქიმიური გამოკვლევები ჩატარდესო, დიახ, რა თქმა უნდა ვეთანხმები იმ აზრს, რომ ყალბად მოგონილი აჟიოტაჟია ყველაფერი. მე ვთვლი, რომ ეს იყო კანონსაწინააღმდეგო აქცია და ასეთ დროს პოლიციას აქვს უფლება გამოიყენოს მათ შორის ისეთი საშუალებები, რომელიც იწვევს რესპირატორული სისტემის გაღიზიანებას, ცრემლდენას და ა.შ," — განაცხადა ოცნების ხელისუფლების ჯანდაცვის მინისტრმა, მიხეილ სარჯველაძემ.

შეგახსენებთ, რომ BBC-ის გამოძიებაში ნათქვამია, რომ ქართულმა ოცნებამ გასული წლის საპროტესტო აქციების დასაშლელად მოქალაქეების წინააღმდეგ პირველი მსოფლიო ომის ქიმიური იარაღი გამოიყენა".