პარასკევს, 5 დეკემბერს, ჩეჩნეთის დედაქალაქის ცენტრ გროზნოში, "გროზნოს კოშკში", ძლიერი აფეთქება მოხდა. ამის შესახებ რუსული მედია წერს. მომხდართან დაკავშირებით ოფიციალური ინფორმაცია ჯერ არ გავრცელებულა.

გავრცელებული ცნობით, ცათამბჯენის ერთ-ერთ სართულზე ხანძარი გაჩნდა. დაზიანებული შენობის მახლობლად საგანგებო სიტუაციების სამინისტროს მანქანები არიან მობილიზებული. დაშავებულების შესახებ ინფორმაცია ჯერ არ გავრცელებულა.

აფეთქების მიზეზი ამ დროისთვის უცნობია. თვითმხილველები აცხადებენ, რომ შენობასთან უპილოტო საფრენი აპარატი დაინახეს.

დაზიანებული შენობის კადრები სოციალურ ქსელში გავრცელდა. მასზე ჩანს, რომ აფეთქებამ ზედა რამდენიმე სართული მოიცვა.