პარლამენტის პირველმა ვიცე-სპიკერმა, გია ვოლსკიმ აშშ-ს ელჩის მოადგილის რეზიდენციაში გამართულ შეხვედრასთან დაკავშირებით, თქვა შეხვედრაზე საუბარი იყო, რომ პარტიებმა თავიანთი ინტერესები წინ არ უნდა დააყენონ.

მისი თქმით, აშშ-ს მისიაა, რომ რეგიონში მოკავშირე ქვეყანა საქართველო "სამშვიდობოს გაიყვანოს".

"იყო საქმიანი შეხვედრა, საქმიანი სადილი, მოდი ასე დავარქვათ, თან არაოფიციალური. რა საკვირველია, კვლავ საუბარი იყო იმაზე, რომ ყველა პარტიამ, არც მმართველმა პარტიამ და არც ოპოზიციურმა პარტიამ არ უნდა დააყენოს პარტიული ინტერესი წინ", — განაცხადა გია ვოლსკიმ.

ამერიკას აქვს მისია აშშ-ს ინტერესები რეგიონში და აქვს მისი მოკავშირე პარტნიორი ქვეყანა საქართველო გაიყვანოს სამშვიდობოს.

გუშინ, 25 თებერვალს ღამით აშშ-ს ელჩის მოადგილის რეზიდენციაში ოპოზიციის ლიდერების, დიპლომატებისა და ხელისუფლების წარმომადგენლების შეხვედრა გაიმართა. ღონისძიების გამართვის შესახებ მედიისთვის ცნობილი არ იყო. შენობის დატოვების შემდეგ ოპოზიციონერებმა თქვეს, რომ შეხვედრის ორგანიზატორი აშშ-ს ელჩის მოადგილე იყო.

ოპოზიციის ლიდერის დაკავება და შეწყვეტილი დიალოგი

ოპოზიციასა და ხელისუფლებას შორის დიპლომატების ორგანიზებული მოლაპარაკებები ოპოზიციონერ გიგი უგულავას დაკავების შემდეგ ჩაიშალა. თბილისის ყოფილ მერსა და ოპოზიციის ერთ-ერთ ლიდერს პატიმრობაში ყოფნა ისევ 3 წლით, 2 თვითა და 8 დღით მოუწევს. საქმეზე, რომელზეც უგულავა რამდენიმე წლის წინ მსჯავრდებული იყო, გადაწყვეტილება უზენაესმა სასამართლომ დღეს, 10 თებერვალს გამოაცხადა.

უგულავას განაჩენის გამოცხადების შემდეგ ოპოზიციამ განაცხადა, რომ საარჩევნო სისტემაზე მთავრობასთან მოლაპარაკებას წყვეტს და საპროტესტო აქციები დაიწყება. მათი თქმით შემდეგომ მოლაპარაკებას აზრი არ აქვს.

სამთავრობო გუნდის ლიდერებმა მომხდარის შეფასება არ ისურვეს და აშშ-ის ელჩთან შეხვედრის დატოვების შემდეგ კი განაცხადეს, რომ მოგვიანებით ისაუბრებენ. დეპუტატებმა კი მომხდარი "ადეკვატურ განაჩენად შეაფასეს".