10 ყველაზე უცნაური კანონი მსოფლიოში

უცნაურ კანონებს ქართველები კი შეჩვეულები ვართ, მაგრამ ამ კანონების კითხვისას იშვიათად თუ გაგვეცინება. მსოფლიოს ირგვლივ კი, ზოგიერთ ქვეყანაში იმდენად უჩვეულო აკრძალვებსა თუ ვალდებულებებს შევხვდებით, რომ მათ საჭიროებასაც კი ვერ გავიგებთ.

აი, მსოფლიოს 10 უცნაური კანონი:

1. ვენეციის მახლობლად მდებარე ქალაქ ერაკლეას პლაჟზე ქვიშის კოშკების აგება აკრძალულია

ამბობენ, რომ კოშკები გზას აფერხებს.

2. თავად ვენეციაში კი, მტრედების გამოკვება გეკრძალებათ

მტრედებს ბრალად ედებათ ქალაქის დაბინძურება და ისტორიული ძეგლების დაზიანება.

3. საბერძნეთში, არქეოლოგიურ და ანტიკურ ადგილებში, მაღალქუსლიანი ფეხსაცმლით სიარული ნებადართული არაა

როგორც ბერძნები ამბობენ, მაღალქუსლიანი ფეხსაცმელი ამ ისტორიული ადგილების ნიადაგს აზიანებს.

4. შოტლანდიაში ყოფნისას ძროხაზე ნასვამი ნუ ამხედრდებით!

ძროხაზე მთვრალ მდგომარეობაში ჯირითი შოტლანდიაში 1872 წლიდან აკრძალულია. იმ დროს სატრანსპორტო საშუალებად სწორედ ძროხები და ცხენები გამოიყენებოდა.

5. რუსეთში მაქმანებიანი თეთრეულის გაყიდვა და იმპორტი აკრძალულია

ეს რეგულაცია ევრაზიულმა ეკონომიკურმა კავშირმა მიიღო და მიზეზად ქსოვილის დაბალი ჰიგროსკოპულობა, ანუ ტენიანობის შთანთქმის უნარი დასახელდა.

6. ჩინეთში ნებართვის გარეშე რეინკარნაცია უკანონოა

ეს კანონი ჩინეთის მთავრობამ ტიბეტელ ბუდისტებზე პოლიტიკური კონტროლის დამყარების მიზნით მიიღო. ჩინეთს სურს, თავად განსაზღვროს, ვინ იქნება ტიბეტელების შემდეგი სულიერი ლიდერი.

7. საფრანგეთის 3 ქალაქში გარდაცვალება აკრძალულია

ეს კანონები უფრო მეტად სიმბოლური და სატირული ხასიათისაა, თუმცა მაინც საკმაოდ უცნაურია. მათი შექმნის ძირითადი მიზეზები სასაფლაო ადგილების უკმარისობას უკავშირდება.

ახლა აშშ-ზე გადავიდეთ...

8. პენსილვანიასა და ოკლაჰომაში მკითხაობა არალეგალურია

ამ შტატთა მაცხოვრებლები თვლიან, რომ თანხის სანაცვლოდ მომავლის წინასწარმეტყველება მიუღებელია. თუმცა, ეს კანონი რეალურად იშვიათად მოქმედებს.

9. სამხრეთ კაროლინის შტატში კვირა დღეს მუსიკალური ინსტრუმენტებითა და საათებით ვაჭრობა აკრძალულია

ეს შეზღუდვა ეყრდნობა ე.წ. ლურჯ კანონებს, რომლებიც აშშ-ის შტატებში ჯერ კიდევ კოლონიური ეპოქიდან მოყოლებული მოქმედებდა. ითვლებოდა, რომ კვირა ლოცვისა და ოჯახთან დასვენების დღე უნდა ყოფილიყო, რის გამოც ყოველდღიური კომერციული საქმიანობა, მათ შორის არასაჭირო ნივთების გაყიდვა იზღუდებოდა.

10. ლუიზიანაში თანხმობის გარეშე პიცის გაგზავნა კანონით ისჯება

კანონი ფინანსური ზარალისა და მეგობრული ოინებისგან თავის ასარიდებლად შეიქმნა. პიცერიას არ აწყობს, რომ ადგილზე მივიდეს და აღმოაჩინოს, რომ თქვენს მეგობარს შეკვეთისთვის გადასახდელი თანხა არ აქვს. ამიტომ, თუ ვინმეს საჩუქრად გაუგზავნით პიცას, წინასწარ გადაიხადეთ თანხა, თორემ $500 ჯარიმა ან 6 თვემდე პატიმრობა გემუქრებათ.

ბოლო ამბები:

გირჩევთ